Մեկնարկել է ArmNet Awards 2013 վեբ-մրցույթի հանրային քվեարկությունը

Նոյեմբերի 20-ից մեկնարկել է ArmNet Awards 2013 համահայկական վեբ-մրցույթի հանրային քվեարկությունը, որը կտեւի մինչեւ նոյեմբերի 30-ը, ժամը 18:00:

Իրենց նախընտրած կայքի օգտին Հայաստանի երեք օպերատորների բաժանորդները կարող են քվեարկել՝ իրենց բջջային հեռախոսահամարից ուղարկելով SMS 1041 կարճ համարին (1 SMS-ի գինը` 50 դրամ, ներառյալ ԱԱՀ) եւ բովանդակության մասում նշելով նախընտրած մասնակից կայքի հատուկ կոդը, որը կարելի է գտնել http://www.armnetawards.am կայքում` յուրաքանչյուր կայքի հասցեի կողքին:

Քվեարկության արդյունքում ամենաշատ ձայներ հավաքած կայքը կճանաչվի «Ժողովրդական ընտրություն» անվանակարգի հաղթող:

Մրցույթի արդյունքները կամփոփվեն նոյեմբերի 30-ին կայանալիք մրցանակաբաշխության ժամանակ: