Airbus-ը Էդինբուրգում ընթացող TEDGlobal կոնֆերանսին ներկայացրել է թափանցիկ եւ ցանցային կառուցվածքով օդանավի իր կոնցեպտը:
Ըստ ընկերության ինժեներների, ներկայացված դիզայնը կդարձնի օդանավերն ավելի ամուր եւ թեթեւ, ինչը կբերի վառելիքի զգալի խնայողության, գրում է BBC-ն:
Ըստ եվրոպական ընկերության, հիմա իր նպատակն է 3D տպիչի միջոցով ստանալ նյութը, որից պատրաստվելու է ապագայի օդանավը:
Վերջինս օժտված է լինելու նաեւ դեպի վեր թեքված պոչով, ինչը կիջեցնի ձայնային աղտոտումը, քանի որ շարժիչի ձայնը կգնա դեպի վերեւ:
Օդանավի նստատեղերը ավտոմատաբար կհարմարվեն մարդկանց մարմիններին, ինչպես նաեւ կունենան նստածների էներգիան օգտագործելու հնարավորություն, ինչը կբերի օդանավում լրացուցիչ էներգախնայողության:
«Օդանավով ճանապարհորդելն ապագայում պետք է հասանելի լինի մարդկանց եւ, միաժամանակ, անվտանգ բնապահպանական տեսանկյունից: Նավթի պաշարները սպառվում են, եւ մենք պետք է գտնենք այլ լուծումներ՝ ինչպես տեխնոլոգիաների, այնպես էլ այլընտրանքային վառելիքի օգնությամբ»,- ասել է կոնֆերանսին Airbus-ի ինժեներ Բաստիան Շաֆերը:
11:20 | 13.06.13 |
Նորություններ
Facebook-ը հետեւում է Twitter-ին՝ ավելացնելով ակտիվ հեշթեգեր
13:00 | 12.06.13 |
Նորություններ
Վեբ-գաղտնիությունը՝ հարվածի տակ
