Երեւան/Մեդիամաքս/. ՀՀ հանրային ծառայությունները կարգավորող հանձնաժողովը (ՀԾԿՀ) գրավոր հարցում է ուղարկվել ԱրմենՏել-ին՝ պահանջելով ներկայացնել օգոստոսի 7-ին ընկերության բջջային ցանցում տեղի ունեցած խափանումների պատճառները:
«Ընկերությունից պարզաբանումներ ստանալուն պես հանձնաժողովը կուսումնասիրի դրանք եւ արդյունքների մասին կտեղեկացնի հանրությանը», - հայտնել են հանձնաժողովում:
Երեկ ԱրմենՏելի բջջային ցանցում տեղի են ունեցել խափանումներ, որոնք թույլ չէին տալիս բաժանորդներին օգտվել կապից: Նման դեպք նույն օպերատորի հետ պատահել էր մայիսի 18-ին, որն ընկերությունը բացատրել էր «կապալառուներից մեկի կողմից տեղադրված սարքավորման խափանմամբ»:
12:02 | 08.08.12 |
Նորություններ
Սկսվել է «Իրեր տարբերող ռոբոտ» մրցույթի գրանցումը
