photo © http://kaznet.ru

Երեւանի այգիներում եւ պուրակներում ընտրվել են 25 վայրեր` անվճար WiFi ինտերնետով ապահովելու համար

Երեւան: Մեդիամաքս: Երեւանի այգիներում եւ պուրակներում ընտրվել են 25 վայրեր` դրանք անվճար WiFi ինտերնետով ապահովելու համար:

Այսօր Երեւանի քաղաքապետարանում կայացած խորհրդակցության ժամանակ նշվել է, որ ներկայումս բանակցություններ են ընթանում կապի օպերատորների հետ:

Մեդիամաքս-ը հիշեցնում է, որ հունիսի 11-ին Երեւանի քաղաքապետ Տարոն Մարգարյանը հանձնարարել էր անվճար WiFi կապով ապահովել մայրաքաղաքի մարդաշատ վայրերը, այգիներն ու պուրակները:

Մայրաքաղաքի դպրոցներին եւ մանկապարտեզներին ցուցաբերվող աջակցությունը խթանելու եւ առավել նպատակային դարձնելու նպատակով Տարոն Մարգարյանն այսօր հանձնարարել է ակտիվացնել «Օգնիր դպրոցիդ» եւ «Օգնիր մանկապարտեզիդ» կայքերի գործունեությունը։