Հարություն Խաչատրյանը, Հասմիկ Պողոսյանն ու Ռալֆ Յիրիկյանը
photo © PanArmenian Photo

Հուլիսի 8-ին կմեկնարկի 9-րդ «Ոսկե ծիրան» կինոփառատոնը

Երեւան: Մեդիամաքս: Հուլիսի 8-15 Երեւանում կանցկացվի «Ոսկե ծիրան» 9-րդ միջազգային կինոփառատոնը:

ՀՀ մշակույթի նախարար Հասմիկ Պողոսյանն այսօր ասել է, որ այս տարի փառատոնը ստացել է 1120 հայտեր 70 երկրներից:

Այս տարի փառատոնի ղեկավարությունը պատրաստել է նոր ծրագրեր` «Գիրք եւ կինո». «Կինոլրագրություն առանց սահմանի»:

«Գիրք եւ կինո» ծրագիրը կբացվի Ալեքսանդր Սոկուրովի «Ֆաուստ» ֆիլմով:

Կշարունակվի «Հարգանքի տուրք» ծրագիրը, որի շրջանակներում կնշվեն Յուրի Երզնկյանի 90-ամյակը, Ֆրունզե Դովլաթյանի 85-ամյակը եւ Անդրեյ Տարկովսկու 80-ամյակը:

Փառատոնի գլխավոր հովանավոր «ՎիվաՍել-ՄՏՍ» ընկերության գլխավոր տնօրեն Ռալֆ Յիրիկյանը հիշեցրել է, որ յոթ տարի շարունակ ընկերությունը կանգնած է փառատոնի կողքին:

«Մեղ համար շատ կարեւոր է մշակույթի պահպանման գործը, որը պետք է շարունակական լինի», - ասել է Ռալֆ Յիրիկյանը: