14:12 | 26.04.12 | Նորություններ | 3656
Գյումրու տեխնոպարկում D-LINK-ը կստեղծի հետազոտական եւ թեստավորման կենտրոն
Երեւան: Մեդիամաքս: ՀՀ էկոնոմիկայի նախարարի խորհրդական Վահե Դանիելյանն այսօր ասել է, որ Գյումրու տեխնոպարկի հիմնական շենքի վերակառուցման աշխատանքները կավարտվեն 18 ամսից:
Վահե Դանիելյանի խոսքով, վերակառուցվելու է շուրջ 6 300 քմ տարածք, որից 5500 քմ տարածքը ծառայելու է որպես ժամանակակից տեխնոլոգիական տարածք, իսկ մնացածը՝ սպասարկման մասնաշենքեր:
«Վերակառուցման աշխատանքների ավարտից հետո կունենանք ժամանակակից տեխնոլոգիական ենթակառուցվածքով կենտրոն, որը կահավորված կլինի ինկուբացիոն տարածքով, միաժամանակ մոտ 20 ընկերությունների ինկուբացիա իրականացնելու հնարավորությամբ, լաբարատոր մասնաշենքերով եւ ուսումնական կենտրոնով», - ասել է նա:
Ծրագրի արժեքը կազմում է 1 մլրդ 677 մլն դրամ:
Կառավարությունը հաստատել է նաեւ D-LINK ընկերության հետ համագործակցության հուշագիր ստորագրելու նախագիծը:
Վահե Դանիելյանը տեղեկացրել է, որ Գյումրու տեխնոպարկի շրջանակներում D-LINK ընկերությունը կստեղծի առանձին տեխնոլոգիական ցանցային եւ հեռահաղորդակցության հետազոտական եւ թեստավորման կենտրոն:
Նախատեսվում է, որ կենտրոնը կգործի 2013թ. հունիսին: Այս ծրագրի արժեքն է 8,5 մլն դոլար, որից 1 մլն կտրամադրվի հետազոտական եւ թեստավորման լաբորատորիայի ստեղծմանը:
12:56 | 26.04.12 |
Նորություններ
ԱրմենՏել-ը կշարունակի օգնել հատուկ կարիքներով երեխաներին
