Երեւան/Մեդիամաքս/. Այսօրվանից Orange Արմենիան գործարկել է իր պաշտոնական վեբ-կայքի շարժական տարբերակը` m.orangearmenia.am:
Այս տարբերակում այցելուները կարող են գտնել Orange-ի վերջին նորությունները, ինչպես նաեւ տեղեկություններ հիմնական ծառայությունների, սակագների, սարքերի ու հեռախոսների մասին:
Մոբայլ տարբերակը հասանելի է հայերեն եւ անգլերեն լեզուներով: Հաշվի առնելով այն հանգամանքը, որ բազմաթիվ հեռախոսներ դեռ հնարավորություն չեն տալիս հայատառ կայքէջեր ընթերցել, Orange-ն իր մոբայլ վեբ կայքի հայերեն տարբերակն առաջարկում է երկու էջով: Հայատառ հայերենով էջին զուգահեռ կարելի է նաեւ նույն բովանդակությունը կարդալ լատինատառ տառադարձմամբ:
