Երեւան/Մեդիամաքս/. ԱրմենՏել-ը (ապրանքանիշը` Beeline) գործարկել է է նոր «Զրո» կանխավճարային փաթեթը:
Լիցքավորելով հաշիվը 3000 դրամով հաճախորդը կստանա 700 ներցանցային րոպե և 150 SMS 0 դրամ սակագնով հաջորդող 30 օրվա ընթացքում օգտագործելու համար, հայտնել են ընկերությունում:
«Զրո» կանխավճարային սակագնային փաթեթում 700 անվճար րոպե օգտագործելուց հետո Beeline բջջային ցանցում ելքային զանգի 1 րոպեի արժեքը կազմում է 29,99 դրամ: Դեպի ԼՂՀ և ՀՀ բջջային և քաղաքային ցանցեր մեկ րոպեի արժեքը` 29,99 դրամ: Անվճար կարճ հաղորդագրություններն օգտագործելուց հետո Beeline ցանցում ուղարկած մեկ հաղորդագրության արժեքն է 9 դրամ:
«Զրո» ՍՓ բաժանորդներին հասանելի է «Beeline Բոնուս» ծրագիրը: Անցումը նշված սակագնային փաթեթին բաց է: Անցնելու համար անհրաժեշտ է զանգահարել 067408046 հեռախոսահամարին: Անցման գումարը կազմում է 300 դրամ, հեռախոսահամարը պահպանման օրական բաժանորդավճարը կազմում է 29,99 դրամ:
«Beeline նոր սակագնային փաթեթն անվճար զանգերի և կարճ հաղորդագրությունների հնարավորությամբ մեր հաճախորդներին կընձեռի լրացուցիչ հնարավորություններ և թույլ կտա շփվել` չմտածելով րոպեների մասին», - նշել ԱրմենՏել-ի գլխավոր տնօրեն Իգոր Կլիմկոն:
