Երեւան/Մեդիամաքս/. «ԱրմենՏել»-ը (Beeline ապրանքանիշ) միացել է TeliaSonera ընկերության միջազգային կապուղուն:
Նոր ուղղությունը հինգերորդ անկախ կապուղին է, որն ապահովում է «ԱրմենՏել»-ի մուտքը համացանց, այսօր Մեդիամաքս-ին հայտնել են ընկերության մամուլի ծառայությունում:
Մալուխը Արեւելյան Եվրոպա է մտնում Վրաստանի տարածքով:
««ԱրմենՏել»-ը ՀՀ հեռահաղորդակցային շուկայի առաջատարն է, այդ թվում նաեւ կապի ծառայությունների կայուն աշխատանքի ապահովման նկատմամբ պատասխանատու վերաբերմունքի շնորհիվ: Արտաքին կապուղիների դիվերսիֆիկացումը կբարձրացնի միասնական օպերատորի անկախ ենթակառուցվածքի հզորությունն ու անկախության աստիճանը, հիմք կհանդիսանա նոր առաջարկների համար կապի եւ ինտերնետ հասանելիության ոլորտում»,- նշել է «ԱրմենՏել»-ի գլխավոր տնօրեն Իգոր Կլիմկոն:
