Շուտով «ՎիվաՍել-ՄՏՍ»-ը կներկայացնի HTC Desire եւ HTC Legend սմարթֆոնները

Երեւան /Մեդիամաքս/. Շուտով «ՎիվաՍել-ՄՏՍ» ընկերությունը Հայաստանում կներկայացնի Android համակարգով HTC սմարթֆոնների եւս երկու մոդել` Desire եւ Legend:

Ինչպես հաղորդում է Մեդիամաքս գործակալությունը, այդ մասին «Շանթ» հեռուստաալիքի հետ հարցազրույցում ասել է ընկերության ղեկավար Ռալֆ Յիրիկյանը: Նա նշել է, որ «ՎիվաՍել-ՄՏՍ»-ի եւ HTC-ի միջեւ արդեն ձեռք է բերվել համապատասխան համաձայնություն:

Մայիսի 17-ին «ՎիվաՍել-ՄՏՍ»-ը եւ HTC-ն ազդարարեցին Հայաստանում HTC Tattoo եւ HTC Hero սմարթֆոնների պաշտոնական վաճառքի մեկնարկը: