Երեւան /Մեդիամաքս/. Այսօր Երեւանում մեկնարկել են Հայաստանում Microsoft-ի ներկայացուցչության կազմակերպած «Ծրագրավորման օրեր» երկօրյա անվճար դասընթացները:
Հայաստանում Microsoft-ի ներկայացուցչության տնօրեն Գրիգոր Բարսեղյանի խոսքերով, նման միջոցառում ընկերությունն անցկացնում է արդեն չորրորդ անգամ, եւ ամեն տարի մասնակիցների քանակն ավելանում է: Նա նկատել է, որ դասախոսություններ ունկնդրելու են գալիս ոչ միայն ուսանողները, այլեւ IT- ընկերությունների ներկայացուցիչները, քանի որ «Ծրագրավորման օրեր»-ը հնարավորություն է տալիս ծանոթանալ նորարարական ապրանքատեսակներին:
Դասախոսությունները Երեւանում կվարի Microsoft ընկերության արտոնագրված դասավանդող-մասնագետ Սերգեյ Բայդաչնին:
