Beeline-ը հանել է «Երեք ծառայությունների փաթեթ»-ի բաժանորդային վարձը

Երեւան/Մեդիամաքս/. Beeline-ը հանել է «Երեք ծառայությունների փաթեթ»-ի բաժանորդային վարձը:

Ինչպես այսօր Մեդիամաքս-ին հայտնել են ընկերության մամուլի ծառայությունում, հետվճարային համակարգի բաժանորդները կազատվեն օրավարձից, իսկ կանխավճարային համակարգի բաժանորդները` MMS, GPRS-ինտերնետ եւ GPRS-WAP ծառայություններից օգտվելու ամսավճարից:

«Օրեցօր Հայաստանում ավելանում է Beeline բաժանորդների քանակը, եւ որպես արդյունք, աճում է  նաեւ շարժական ինտերնետ ծառայության պահանջարկը: Ղեկավարվելով այդ սկզբունքով եւ հաշվի առնելով բաժանորդների ցանկությունները` մենք առաջարկում ենք նրանց այցելել  web-կայքեր, բեռնել նկարներ եւ երաժշտություն, ուղարկել գրաֆիկական հաղորդագրություններ` չմտածելով լրացուցիչ վճարի մասին»,- նշել է «ԱրմենՏել»-ի գլխավոր տնօրեն Իգոր Կլիմկոն:
 
Նախկինում «Երեք ծառայությունների փաթեթ»-ի օգտագործման բաժանորդավճարը կանխավճարային համակարգի բաժանորդների համար կազմում էր օրական 12 դրամ, իսկ հետվճարային համակարգի բաժանորդների համար` ամիսը 360 դրամ: