Հայ-Ռուսական համալսարանը եւ Orange Armenia-ն ստորագրել են գործընկերության հուշագիր

Երեւան /Մեդիամաքս/. Հայ-Ռուսական (Սլավոնական) համալսարանը եւ Orange Armenia ընկերությունն այսօր ստորագրել են երկարատեւ գործընկերության մասին հուշագիր:

Ինչպես ՄԵԴԻԱՄԱՔՍ-ին հայտնել են Orange Armenia-ի մամլո ծառայությունում, կողմերը մտադիր են համագործակցել կրթության, դասախոսների փոխանակման եւ մի շարք այլ ոլորտներում:

Հայ-Ռուսական (Սլավոնական) համալսարանի ռեկտոր Արմեն Դարբինյանը եւ Orange Armenia-ի գլխավոր տնօրեն Բրունո Դյութուան, ովքեր ստորագրել են հուշագիրը, գոհունակություն են հայտնել գործընկերության մեկնարկի առթիվ` նշելով, որ այն կդառնա կրթական հաստատության եւ համաշխարհային հեղինակություն ունեցող ընկերության համագործակցության ժամանակակից մոդել:

Համագործակցության շրջանակներում առաջին ծրագրերը կյանքի կկոչվեն արդեն հաջորդ տարի: