ՏՀՏ ընկերությունները Թբիլիսիում կմասնակցեն Ինֆորմացիոն տեխնոլոգիաների տարածաշրջանային միջոցառմանը

Երեւան /Մեդիամաքս/. ՀՀ ՏՏ ընկերությունները հոկտեմբերի 29-30-ը Թբիլիսիում կմասնակցեն Ինֆորմացիոն տեխնոլոգիաների տարածաշրջանային երկրորդ ամենամյա միջոցառմանը:

Ինչպես ՄԵԴԻԱՄԱՔՍ-ին հայտնել են Ինֆորմացիոն տեխնոլոգիաների ձեռնարկությունների միության (UITE) մամլո ծառայությունում, Վրաստանում Հայաստանը կներկայացնեն E-dram, CHS Verisel Service, Strategic Partners, E-works, Spyur, Lime Tech, Margasoft Corp, IDS Design and Technologies, Grant Thornton Amyot եւ Macadamian AR ընկերությունները: 

Միջոցառման ընթացքում կկայանա «Վրաստանի ՏՏ նորարարական կոնֆերանս 2009»-ը, որի շրջանակներում կկարեւորվի ՏՀՏ դերը տարածաշրջանի տնտեսական եւ սոցիալական զարգացման նախադրյալներ ստեղծելու գործում, կներկայացվեն ՏՀՏ ոլորտի առաջատար մոտեցումներն ու լուծումները:

Միջոցառման ընթացքում կկայանա հայաստանյան ընկերությունների կողմից մշակված գործարար նախագծերի շնորհանդեսը: