Սեմ Ալթմանը հայտնել է` թողունակության խնդրի պատճառով նոր պրոդուկտը կուշանա

OpenAI-ի գործադիր տնօրեն Սեմ Ալթմանը X-ում գրել է, որ ChatGPT-ում ընկերության նոր պատկերների ստեղծման գործիքի տարածումը կհանգեցնի նոր արտադրանքի ուշացումների:

«Մենք ամեն ինչ վերահսկում ենք, բայց դուք պետք է ակնկալեք, որ OpenAI-ի նոր թողարկումները կհետաձգվեն, խափանումներ կարող են լինել եւ սպասարկումը երբեմն կդանդաղի, քանի որ գործ ունենք հզորության մարտահրավերների հետ», - գրել է Ալթմանը:

OpenAI-ի պատկերների ստեղծման նոր հնարավորությունը մեծ աղմուկ է բարձրացրել եւ հակասություններ առաջացրել Գիբլիի ստուդիայի ոճով վերստեղծելու իր տպավորիչ ունակության համար: Հանգստյան օրերին Ալթմանը հայտնել էր, որ ընկերությունը «չի կարողացել հասցնել» տեմպին եւ անձնակազմն աշխատել է մինչ ուշ գիշեր եւ հանգստյան օրերին՝ «ծառայությունը շարունակելու համար»:

Ալթմանը գրառման մեջ նշել է, որ երկուշաբթի օրը մեկ ժամվա ընթացքում ChatGPT-ում ավելացել է մեկ միլիոն նոր օգտատեր: ChatGPT-ն այժմ ունի շաբաթական 500 միլիոն օգտատեր եւ 20 միլիոն վճարող բաժանորդ։