Սկսվել է ROG Strix SCAR 16/18 եւ նոր ROG Flow Z13 նոթբուքերի նախավաճառքը

ASUS-ի «Republic of Gamers» (ROG) ապրանքանիշը ներկայացրել է 2025 թվականի խաղային նոթբուքերի վերջին շարքը:

Խաղային սարքերի նոր սերունդը հագեցած է Intel®-ի, AMD-ի եւ NVIDIA®-ի առաջադեմ բաղադրիչներով: ROG Strix SCAR շարքն ունի նոր շասսի եւ բարելավված հովացման համակարգ, իսկ Flow Z13 խաղային պլանշետը աներեւակայելի հզոր է դարձել:

ASUS-ը շահավետ պայմաններ է առաջարկում հաճախորդներին, այդ թվում՝ ֆիքսված զեղչ ընտրված մոդելի համար, քեշբեք եւ այլ գրավիչ առաջարկներ: Բաց մի թողեք ձեր հնարավորությունը՝ դառնալու ROG շարքի վերջին խաղային նոթբուքերի սեփականատերը եւ դարձեք առաջիններից, ով կստուգի դրանց անհավանական հնարավորությունները: Նախապես պատվիրեք այսօր եւ ստացեք բացառիկ առաջարկներ եւ բոնուսներ:

Ընդլայնված հնարավորություններով խաղային պլանշետ-տրանսֆորմատոր

Խաղային սարքերի ինդուստրիան շարունակում է արագ զարգանալ՝ առաջարկելով ավելի բազմակողմանի եւ հզոր լուծումներ գեյմերներին: Տարեսկզբին ASUS-ը՝ խաղային սարքերի համաշխարհային շուկայի առաջատարներից մեկը, ներկայացրեց թարմացված ROG Flow Z13 (GZ302) պլանշետը։

Սա 2025 թվականի ամենասպասված խաղային սարքերից մեկն է, քանի որ այստեղ սովորական Intel-ի փոխարեն տեղադրված է AMD-ի նոր Zen 5 պրոցեսորը։ Ավելին, ASUS-ը նոր ROG Flow Z13-ը համարում է իր շարքի ամենահզոր պլանշետը:

ROG Flow շարքի նոթբուքերը ու պլանշետները նախատեսված են տարբեր սցենարներում օգտագործման համար: Նախորդ մոդելները տրանսֆորմեր-նոթբուքեր էին, մինչդեռ Flow Z13-ը պլանշետ է, որը հեշտությամբ կարող է վերածվել լիարժեք նոթբուքի: Այս հոդվածում կանդրադառնանք սարքի հիմնական բնութագրերին, որպեսզի հասկանանք՝ ինչի է ընդունակ այս փոքր, բայց հզոր սարքը:

Խաղերի եւ ծանր հավելվածների համար նախատեսված AMD պրոցեսորը

AMD Ryzen AI Max+ 395 պրոցեսորը, որը հիմնված է նոր Zen 5 ճարտարապետության վրա, իսկական առաջընթաց է այնպիսի պորտատիվ սարքերի համար, ինչպիսիք են ROG Flow Z13 պլանշետը: Այս չիպը համատեղում է անհավանական հզորությունն ու էներգաարդյունավետությունը: Այն օգտագործում է 16 միջուկ, որոնք ապահովում են գերազանց բազմաֆունկցիոնալ աշխատանք: Առաջադեմ AI գործիքների աշխատանքն ապահովելու համար պրոցեսորը ունի նաեւ 50 TOPS նեյրոնային բլոկ:

RDNA 3.5 ճարտարապետության վրա հիմնված 40 հաշվողական միավորներով ինտեգրված գրաֆիկական պրոցեսորն ապահովում է հզոր դիսկրետ գրաֆիկական քարտերի հետ համեմատելի արդյունավետություն, սակայն զգալիորեն ավելի քիչ էներգիա է սպառում: Այս բնութագրերը նոր հնարավորություններ են բացում ոչ միայն խաղերի, այլեւ՝ AI-ի հետ աշխատելու եւ բարդ հաշվողական գործողությունների համար: Նման գրաֆիկան թույլ է տալիս օգտատերերին ոչ միայն խաղալ խաղեր, այլեւ՝ ստանալ բարձրորակ վիդեո ռենդերինգ եւ բարձր դետալիզացիայով 3D գրաֆիկայի մոդելավորում:

Միասնացված հիշողություն

AMD-ի հիմնական ձեռքբերումներից է միասնացված LPDDR5X-8000 հիշողությունը, որը միավորում է կենտրոնական եւ գրաֆիկական հիշողությունը: Այսինքն՝ համակարգը ավտոմատ կերպով բաշխում է ռեսուրսները հիմնական հիշողության եւ վիդեո հիշողության միջեւ։

Այժմ պլանշետը հասանելի է 32 ԳԲ հիշողությամբ, սակայն արտադրողները նախատեսում են այն հասցնել 128 ԳԲ-ի։ Սա հատկապես կարեւոր է մեծ քանակությամբ տվյալների հետ աշխատելիս, օրինակ՝ բովանդակություն կամ խաղեր ստեղծելիս: Ենթադրենք, դուք խաղում եք գրաֆիկական ինտենսիվ խաղ, որը պահանջում է մեծ ծավալով հիշողություն՝ տեքստուրաների եւ տեսաէֆեկտների համար: Այս պահին համակարգը կարող է ավելի շատ հիշողություն բաշխել գրաֆիկական պրոցեսորին՝ ապահովելով անխափան խաղալու հնարավորությունը եւ պատկերի բարձր որակը: Այնուամենայնիվ, եթե սկսենք աշխատել մի քանի հավելվածի կամ տեսանյութերի խմբագրիչի հետ, համակարգը կարող է վիդեո հիշողության մի մասը վերադարձնել ընդհանուր հիշողություն՝ ազատելով որոշ ռեսուրսներ, որոնք անհրաժեշտ էին կենտրոնական պրոցեսորին տվյալներ մշակելու համար:

Դիզայն եւ օգտագործման սցենարներ

ROG Flow Z13 (GZ302) տարբերվող դիզայնով տրանսֆորեր-պլանշետ է։ Անմիջապես աչքի ընկնող տարրերից մեկը կիսաթափանցիկ ծածկն է, որի միջոցով կարելի է տեսնել սարքի ներքին բաղադրիչները։ Կափարիչի դիզայնի տարրերից անմիջապես երեւում է, որ սա խաղային պլանշետ է: Սարքի հաստությունը 12 մմ է, իսկ քաշը՝ 1,2 կգ։

Պլանշետը կարող է օգտագործվել ինչպես ցանկացած դասական գաջեթ: Տարբերությունն այն է, որ այն ունի ամուր տակդիր, որը բացվում է մինչեւ 170° անկյան տակ: Սա նշանակում է՝ օգտատերերը կարող են պլանշետը տեղադրել ուղղահայաց կամ ծալել տակդիրը, որպեսզի այն դրվի սեղանին սովորական տափակ պլանշետի պես: Այս դիրքում դուք կարող եք կանգնած տեսանյութ դիտել կամ ցուցադրել տեսանյութ կամ ռենդեր ձեր դիմաց նստած մեկին: Հատկանշական է, որ այս կոնստրուկցիան նախագծված է այնպես, որ պլանշետը կարող է ամուր կանգնել ցանկացած մակերեսի վրա:

ROG Flow Z13-ն հագեցած է անջատվող ստեղնաշարով, որը մագնիսներով փակցվում է սարքին: Պլանշետի ստեղնաշարն ունի մեծ ստեղներ եւ օլեոֆոբ ծածկույթ, ինչպես նաեւ՝ մեծացված թաչփադ։ Սարքը նաեւ հագեցած է, այսպես կոչված, «հրամանների կենտրոնի» կոճակով՝ որոշ կարգավորումներին արագ մուտք գործելու համար, իսկ երկար սեղմելու դեպքում արագ «օգնության է հասնում» AI օգնական Copilot-ը:

Ինչպե՞ս է աշխատում հովացման համակարգը

Հովացման համակարգը մեծ դեր է խաղում, հատկապես եթե խոսքը վերաբերում է խաղային սարքին: 2025 թվականի ROG Flow Z13-ի հիմնական առանձնահատկություններից մեկը հովացման առաջադեմ համակարգն է: Նախեւառաջ, ջերմության արտանետումը բարելավվում է սարքի ուղղահայաց դիրքի շնորհիվ, ինչը թույլ է տալիս սառը օդին առանց խոչընդոտի հասնել ներքեւի վահանակ, որտեղ տեղակայված են օդափոխիչները:

Սարքն ունի գոլորշու խցիկ, որը ծածկում է մայր պլատայի տարածքը 54%-ով ավելի, քան նախորդ մոդելների դեպքում: Այն պատրաստված է չժանգոտվող պողպատից եւ պղնձից, ինչը մեծացնում է ջերմային հաղորդունակությունը եւ բարելավում ջերմության փոխանցումը։ Օդափոխման համակարգը բարելավվել է նաեւ ավելի մեծ օդի ներծծիչներով եւ երկրորդ սերնդի Arc Flow օդափոխիչներով:

Հովացման համակարգն ունի ներկառուցված զտիչներ՝ կանխելու փոշու ներթափանցումը, բարձրացնելով ամրությունն ու կայունությունը: Այս բոլոր նորամուծություններն ապահովում են արդյունավետ հովացում, որի ձայնը չեք լսի նույնիսկ ամենածանր խաղեր խաղալիս:

Պատկերը եւ ձայնը

Նոր Flow Z13-ը ոչ միայն ունի խաղերի համար նախատեսված բնութագրեր, այլեւ կարող է օգտագործվել որպես լիարժեք մուլտիմեդիա սարք՝ իր հստակ պատկերի եւ բարձրորակ ձայնի շնորհիվ: ROG Nebula էկրանն առանձնանում է 13 դյույմանոց 2.5K կետայնությամբ եւ 16:10 հարաբերակցությամբ՝ տրամադրելով խաղերի եւ տեսանյութեր դիտելու համար որակյալ պատկեր: 180 Հց թարմացման արագությունը եւ 100% DCI-P3 գունային գամման ապահովում են հստակ պատկեր նույնիսկ ամենադինամիկ տեսարաններում: 500 կդ/մ² բարձր պայծառությունը երաշխավորում է գերազանց պատկեր ցանկացած լուսավորության պայմաններում եւ պլանշետի ցանկացած դիրքում:

Dolby Atmos-ի աջակցությամբ չորս բարձրախոսով ներկառուցված ձայնային համակարգը ստեղծում է ծավալուն ձայն: Սա հատկապես կարեւոր է խաղերի համար. օրինակ՝ շութերներում, ինչպիսիք են Call of Duty-ին կամ Battlefield-ը, որտեղ դինամիկ տեսարաններում թշնամիների ձայների ճիշտ ընկալումը վճռորոշ նշանակություն ունի: Dolby Atmos-ը ձայնը մշակում է եռաչափ տարածության մեջ, ինչը թույլ է տալիս ճշգրիտ որոշել, թե որտեղից է գալիս աղմուկը՝ ձեր հետեւից շտապող հակառակորդի քայլերից, թե՞ հեռվում արձակվող կրակոցներից։

Բարձր արտադրողականությունով շարժական տրանսֆորմեր

ROG Flow Z13 (GZ 302) ոչ միայն գեյմերների համար նախատեսված պլանշետ է, այլեւ կարող է հեշտությամբ օգտագործվել ռեսուրսներ պահանջող այլ առաջադրանքների համար: Այն համատեղում է գերազանց արտադրողականությունը, առաջադեմ հովացման համակարգը եւ էլեգանտ դիզայնը:

Թվարկենք նոր մոդելի առավելությունները․

●    Այն տրանսֆորմեր է՝ տակդիրով եւ կցվող ստեղնաշարով պլանշետ, որը հեշտությամբ վերածվում է լիարժեք նոթբուքի։
●    Սարքը հագեցած է հզոր պրոցեսորով․ 16 միջուկով եւ նեյրոնային բլոկով AMD Ryzen AI Max+ 395 արդյունավետ հաշվողական առաջադրանքների եւ խաղերի համար է:
●    Բարձրորակ գրաֆիկա. առաջադեմ խաղերի եւ ծանր հավելվածների հետ աշխատելու համար RDNA 3.5 GPU եւ միասնացված հիշողություն:

Այսպիսով, նոր ROG Flow-ը նախատեսված է այն օգտատերերի համար, որոնք փնտրում են պլանշետի շարժունակությունն ու խաղային նոթբուքի հզորությունը մեկ սարքում։

Դեպի հաղթանակ նոր Strix SCAR 16-ի եւ SCAR 18-ի հետ

ASUS-ը ներկայացրել է նաեւ 2025 թվականի ROG Strix SCAR 16 եւ SCAR 18 նոթբուքերի թարմացված շարքը, որը մարմնավորում է վերջին տեխնոլոգիաներն ու նորարարությունները։ Այս նոթբուքերը նախատեսված են ամենախստապահանջ խաղացողների եւ բովանդակություն ստեղծողների համար՝ առաջարկելով արտադրողականության աննախադեպ մակարդակ եւ մի շարք առաջադեմ գործառույթներ:

Դիզայնը եւ բաղադրիչներին հասանելիությունը

Նոթբուքերի կորպուսը բոլորովին նոր դիզայն ունի, որը ներառում է գունագեղ RGB լուսավորություն ամբողջ պարագծով։ Նոթբուքի կափարիչի AniMe Vision էկրանն առաջին անգամ ներկայացվել է Zephyrus շարքում եւ այժմ ներդրվել է նաեւ ROG Strix SCAR շարքում. դրա վրա պատկերը ձեւավորվում է 810 LED-երով, որոնք լուսավորվում են 9152 փոքրիկ անցքերով: Դիսփլեյի վրա հնարավոր է ցուցադրել նախադրված անիմացիաները, ներմուծված GIF կամ օգտատիրոջ անիմացիաները: Հիմնական առանձնահատկություններից մեկը ներքեւի վահանակն է, որը հեշտությամբ կարելի է բացել առանց գործիքների օգտագործման: Օգտատերը պարզապես կարող է շարժել մեկ լծակ վահանակը հեռացնելու եւ SSD-ի ու օպերատիվ հիշողության բնիկներին հասնելու համար: Սրա շնորհիվ սարքի արդիականացումը եւ սպասարկումը աներեւակայելի պարզ է եւ հարմար:

Արտադրողականությունը եւ գրաֆիկան

ROG Strix SCAR-ն ապահովում է ամենաբարձր արտադրողականությունը: 2025 թվականի մոդելներն ունեն նորագույն Intel® Core™ Ultra 9 275HX պրոցեսորներ եւ հզոր NVIDIA® GeForce RTX™ 5090 գրաֆիկական քարտեր՝ առավելագույն արտադրողականությանը հասնելու համար օպտիմիզացված բաղադրիչներով: Turbo ռեժիմում պրոցեսորի հզորության սահմանաչափը 55 Վտ է, իսկ վիդեո քարտի հզորությունը՝ 175 Վտ։ Մանուալ ռեժիմում պրոցեսորը կարող է ստանալ լրացուցիչ 20 Վտ հզորություն՝ համակարգի ընդհանուր ջերմային փաթեթը հասցնելով անհավանական 250 Վտ-ի:

Նոթբուքերում օգտագործվում է նորարարական հովացման համակարգ, որը ներառում է ռադիատորի դիզայն, որտեղ հովացման կողերը գտնվում են գոլորշիացման խցիկի վերեւի եւ ներքեւի մասում, այսպես կոչված, «սենդվիչի» կառուցվածքով: Սա ոչ միայն խնայում է տարածությունը, այլեւ զգալիորեն բարելավում է ջերմության արտանետման արդյունավետությունը՝ ամբողջ լայնությամբ հետեւի վահանակի օդափոխման ելքի շնորհիվ: Կենտրոնական եւ գրաֆիկական պրոցեսորների համար հեղուկ մետաղի ջերմային ինտերֆեյսի օգտագործումը, ինչպես նաեւ օդի ընդունման մտածված համակարգը թույլ է տվել հասնել աննախադեպ հզորության՝ միաժամանակ նվազեցնելով աղմուկի մակարդակը նախորդ մոդելների համեմատ: Ներկառուցված ֆիլտրերը կանխում են փոշու մուտքը համակարգ՝ երկարացնելով սարքի կյանքը։

2025 թվականի ROG Strix SCAR մոդելները հզոր եւ նորարար խաղային նոթբուքեր են, որոնք կբավարարեն ամենախստապահանջ օգտատերերի կարիքները: Առաջադեմ տեխնոլոգիաների, բաղադրիչներին հեշտ հասանելիության, տպավորիչ էկրանի եւ արդյունավետ հովացման համակարգի համադրության շնորհիվ այս սարքերն իդեալական ընտրություն են խաղացողների եւ բովանդակություն ստեղծողների համար:

2025 թվականին «Republic of Gamers» շարքի նոր ապրանքներ ընտրելիս մի մոռացեք միանալ ROG Elite հավատարմության ծրագրին:

Republic of Gamers (ROG) ապրանքանիշի հաճախորդների համար նախատեսված ASUS-ի ծրագիրը տրամադրում է եզակի առավելություններ եւ բացառիկ առաջարկներ ROG խաղերի սիրահարների համար՝ ստեղծելով բրենդի նվիրված երկրպագուների համայնք:

ROG Elite անդամակցությունն ապահովում է հետեւյալ առավելությունները.

1.    Ծրագրի անդամներին հասանելի են հատուկ զեղչեր եւ բացառիկ առաջարկներ ROG ապրանքների համար:
2.    Ծրագրի անդամները կարող են լինել առաջինը, ով կստուգի նոր ROG սարքերը եւ աքսեսուարները:
3.    Ծրագիրն ապահովում է ROG-ի կողմից կազմակերպված փակ միջոցառումներին, մրցաշարերին եւ շնորհանդեսներին մասնակցելու հնարավորություն:
4.    Գնումների եւ համայնքի կյանքում ակտիվ մասնակցության համար օգտատերերը ստանում են բոնուսային միավորներ, որոնք կարող են փոխանակվել մրցանակներով եւ նվերներով:
5.    Անհատականացված առաջարկություններ եւ ակցիաներ՝ հիմնված օգտատերերի նախասիրությունների եւ գնումների պատմության վրա:

ROG Elite հավատարմության ծրագիրը հիանալի հնարավորություն է «Republic of Gamers» ապրանքանիշի երկրպագուների համար, քանի որ իրենք կարող են առավելագույն օգուտ եւ հաճույք ստանալ ROG ապրանքներ օգտագործելուց:

Միացեք խաղային համայնքին եւ վայելեք բացառիկ արտոնություններն ու առաջարկները: