Google-ի համահիմնադիր Լարրի Փեյջը ստեղծում է նոր AI ստարտափ

Google-ի համահիմնադիր Լարրի Փեյջը ստեղծում է Dynatomics անունով նոր ընկերություն, որը կենտրոնացած է արտադրական գործընթացներում արհեստական բանականության կիրառման վրա։

Փեյջը մի խումբ ինժեներների հետ աշխատում է AI-ի վրա, որը կկարողանա ստեղծել «բարձր օպտիմալացված» օբյեկտների նախագծեր, ապա գործարաններում իրականացնել դրանց արտադրությունը, գրում է The Information-ը։ Նախագիծը ղեկավարում է Քրիս Անդերսոնը, որը նախկինում եղել է Kittyhawk էլեկտրական ինքնաթիռների ստարտափի տեխնիկական տնօրենը։

Փեյջը միակը չէ, որ ուսումնասիրում է AI-ի դերը արտադրության մեջ։

Orbital Materials-ը մշակում է AI հարթակ՝ նոր նյութերի հայտնաբերման համար, որոնք կարող են կիրառվել մարտկոցներից մինչեւ ածխաթթու գազ կլանող բջիջներ։ PhysicsX-ը տրամադրում է գործիքներ ինժեներական մոդելավորման համար՝ ավտոմոբիլային, ավիատիեզերական եւ նյութագիտության ոլորտներում։ Instrumental-ը տեսողական AI տեխնոլոգիա է օգտագործում գործարաններում անոմալիաները հայտնաբերելու համար։