17:02 | 06.03.25 | Նորություններ | 1034
MWC 2025-ին ներկայացվել է առաջին «սմարթֆոնը» շների եւ կատուների համար
GlocalMe-ն մշակել է ընտանի կենդանիների համար հատուկ PetPhone-ը, որը կենդանու օձիքին ամրացվող փոքրիկ սարք է։
«Սմարթֆոնը» ճանաչում է ընտանի կենդանու հնչյունները եւ, ի պատասխան դրանց, օգտատիրոջը ծանուցում է ուղարկում կամ անմիջապես զանգում։
Օրինակ, եթե կատուն պատահաբար փակվում է սենյակում եւ սկսում մլավել կամ մենակ մնացած շունը սկսում է բարձր հաչալ։ Առաջին դեպքում տերը «ռադարի» վրա կտեսնի, թե որտեղ է կատուն եւ կկարողանա բաց թողնել նրան: Երկրորդում այն կհնչեցնի նախապես ձայնագրված ձայնային հաղորդագրություն կամ իրական ժամանակում «կխոսի» շան հետ նրան ծանոթ ձայնով հանգստացնելու նպատակով: Սցենարները կարող են տարբեր լինել։
Հավելվածը թույլ է տալիս ստեղծել անվտանգ գոտիներ քայլելու համար: Եթե կատուն կամ շունը դուրս գան իրենց սահմաններից, սեփականատերը ծանուցում կստանա: Կան նաեւ վայրերին եւ երթուղիներին հետեւելու տարբերակներ. օրինակ, եթե մարդը ընտանի կենդանուն տանում է զբոսանքի:
Hide and Seek եւ Ringtone գործառույթները կօգնեն գտնել ընտանի կենդանուն մթության մեջ կամ մեծ տարածքում: Առաջինը կմիացնի լապտերը, երկրորդը կհնչեցնի հատուկ ազդանշան։ Զբոսանքի ժամանակ հնարավոր է նաեւ հետեւել ընտանի կենդանու անցած տարածությանը եւ այրված կալորիաներին: Սարքը ջրակայուն է։
Մշակողը խոստանում է անխափան շահագործում ավելի քան 200 երկրում (ցուցակ չի տրամադրվում), ինչը թույլ կտա հավելվածն օգտագործել ճանապարհորդելիս: Հնարավոր է նաեւ հավելվածում կիսվել լուսանկարներով եւ տեսանյութերով եւ առցանց համայնքի մաս կազմել։
Notebookcheck-ի տվյալներով՝ PetPhone-ը կարժենա 199-299 դոլար։ Այն առաջին անգամ կթողարկվի ԱՄՆ-ում, Եվրոպայում եւ Ասիական որոշ երկրներում:
16:40 | 06.03.25 |
Նորություններ
Գարնանային հատուկ առաջարկ OVIO-ից
