Instagram-ը թույլ կտա թարմացնել առաջարկությունների ալգորիթմը

Instagram-ը փորձարկում է նոր գործառույթ, որը թույլ կտա օգտատերերին վերակայել բովանդակության առաջարկները հիմնական հոսքում, Reels եւ Explore էջերում:

Ալգորիթմներն այլեւս հաշվի չեն առնի բովանդակության եւ հաշիվների հետ փոխգործակցության նախկին փորձը եւ որոշ ժամանակ անց նորից կսկսեն սովորել, բովանդակությունը կրկին անհատականացվելու է:

Կարգավորումները վերականգնելիս օգտատերերը կկարողանան դիտել իրենց բաժանորդագրությունները եւ չհետեւել այլեւս անհետաքրքիր հաշիվներին: Ընկերությունը չի հստակեցրել, թե որ երկրներում են իրականացվում թեստերը, սակայն իր բլոգում նշել է, որ գործառույթը «շուտով» կհայտնվի բոլոր շուկաներում։

Ֆունկցիան նման է TikTok-ի 2023 թվականին գործարկած գործառույթին, որը նույնպես թույլ է տալիս վերականգնել բովանդակության առաջարկությունները։