14:37 | 18.01.24 | Նորություններ | 1557

Սունդար Պիչայը զգուշացրել է Google-ում մեծ կրճատումների մասին

Google-ի գործադիր տնօրեն Սունդար Պիչայը տեղեկացրել է անձնակազմին, որ անցյալ շաբաթ մի քանի ստորաբաժանումում ավելի քան 1000 աշխատողի ազատելուց եւ YouTube-ում 100 աշխատատեղ կրճատելուց հետո, այս տարի ավելի շատ կրճատումներ են սպասվում:

Պիչայի տեղեկագրում ասվում է, որ ընկերությունը ստիպված կլինի «կոշտ ընտրություններ» կատարել իր հավակնոտ նպատակներին հասնելու համար, հայտնում է The Verge-ը:

Գործադիր տնօրենն ասել է, որ այս տարվա կրճատումները չեն լինի նախորդ տարվա աշխատատեղերի կրճատման մասշտաբով, որտեղ ընկերությունը բաց է թողել 12,000 մարդու կամ աշխատուժի 6%-ը:

Անցյալ շաբաթ Google-ի աշխատանքից ազատումներն ազդել են սարքավորումների, ճարտարագիտության, գովազդի եւ ծառայությունների թիմերի վրա: Այդ ժամանակ ընկերությունը նաեւ հաստատել է TechCrunch-ին, որ Fitbit-ի համահիմնադիրներ Ջեյմս Պարկը եւ Էրիկ Ֆրիդմանը հեռանում են կազմակերպությունից: