Հայկական Docus-ը ներկայացրել է արհեստական բանականությամբ օժտված օգնական՝ AI Health Assistant-ը, որը նորարարություն է անհատականացված առողջապահության ոլորտում։
Docus-ը նորարարական հարթակ է, որը տեղական եւ միջազգային առաջատար բժիշկների համագործակցության միջոցով հիվանդներին եւ խնամակալներին հնարավորություն է տալիս օգտվել լավագույն բժշկական օգնությունից՝ այդկերպ մեծացնելով ճշգրիտ ախտորոշում եւ բուժում ստանալու հնարավորությունը:
Docus-ի AI Health Assistant-ը կարող է տրամադրել համապատասխան առաջարկներ ու խորհուրդներ՝ հիմնված անհատական առողջության պրոֆիլի վրա, ինչի շնորհիվ հնարավորություն է տրվում վերահսկել առողջական վիճակը:
Արհեստական բանականությունը կգնահատի պոտենցիալ առողջական ռիսկերը՝ վաղ պատկերացումներ տալով հնարավոր հիվանդությունների մասին: Այն կտրամադրի նաեւ մանրամասն, անհատականացված կլինիկական պլան, որը հնարավորություն կտա քայլ առ քայլ բարելավել առողջությունը:
Բացի այդ, AI օգնականը կներկայացնի անհատականացված առողջության հաշվետվություններ, համապարփակ զեկույցներ՝ հեշտացնելով առողջական վիճակին հետեւելը։
Օգնականը հասանելի է 24/7 առանց ժամային սահմանափակումների։
