12:03 | 13.06.23 | Նորություններ | 7902
Սամսունգի ինովացիոն կամպուսի շրջանավարտները ներկայացրել են իրենց մշակած հավելվածները
Սամսունգի ինովացիոն կամպուսի շրջանավարտները՝ Երեւանից, Գյումրիից, Վանաձորից եւ Հայաստանի այլ համայնքներից 50 երիտասարդ, որոնք հաջողությամբ ավարտել են դասընթացը, ներկայացրել են իրենց մշակած Android բջջային հավելվածները:
Նախագծի ներկայացումն ըստ էության դասընթացի ավարտական քննությունն է, որի արդյունքում սաներն ստանում են հավաստագիր: Նախագծերը գնահատվում են քննական հանձնաժողովի կողմից, որը ներառում է Սամսունգի հավաստագրված հրահանգիչներ, համակարգչային գիտության դասավանդման մասնագետներ եւ ՏՏ ընկերությունների ներկայացուցիչներ:
«Մենք ամուր հավատ ունենք ապագա սերունդների ներուժի նկատմամբ: Եվ մեր ընկերության համար հսկայական նշանակություն ունի երիտասարդների կրթության մեջ իրականացվող սոցիալական ներդրումը։ Ողջ աշխարհում Սամսունգի ինովացիոն կամպուսը երիտասարդներին հնարավորություն է տալիս տիրապետել ամենանորարար ՏՏ տեխնոլոգիաների եւ հաջողությամբ բացահայտել իրենց տաղանդներն ու ապագա ներուժը»,- նշել է Սամսունգ Էլեկտրոնիքսի ԱՊՀ տարածաշրջանի գլխամասային գրասենյակի փոխնախագահ Սերգեյ Պեւնեւը:
UWC Դիլիջանը եւ համաշխարհային տեխնոլոգիական առաջատար Սամսունգ Էլեկտրոնիքս ընկերությունը 2021թ. Դիլիջան համայնքում հիմնել են Սամսունգի ինովացիոն կամպուսը Հայաստանում:
