Դրամաշնորհային մրցույթ՝ աքսելերացիա անցած ընկերությունների համար

ՀՀ բարձր տեխնոլոգիական արդյունաբերության նախարարությունը հայտարարում է «Համագործակցություն հայկական աքսելերատորների հետ» դրամաշնորհային մրցույթ։

«Գաղափարից մինչեւ բիզնես» դրամաշնորհային ծրագրի շրջանակում նախատեսվում է դրամաշնորհների տեսքով ֆինանսավորում տրամադրել 2022 թվականին աքսելերացիոն ծրագրի մասնակցած ընկերություններին։

Ներկայացվող արտադրանքի կամ ծառայության գաղափարը, նախատիպը պետք է ուղղված լինի բարձր տեխնոլոգիաների ոլորտում նոր արժեքի ստեղծմանը, տեխնոլոգիաների կիրառմամբ արդի խնդիրների եւ մարտահրավերների լուծմանը:

Դրամաշնորհային ծրագրի ընդհանուր բյուջեն կազմում է 30 միլիոն ՀՀ դրամ, որը նախատեսվում է բաշխել մրցույթը հաղթահարած ընկերությունների միջեւ․ յուրաքանչյուրին՝ մինչեւ 5,000,000 ՀՀ դրամ:

Մրցույթի վերաբերյալ բոլոր մանրամասները՝ անցկացման կարգը, հայտ կազմելու եւ ներկայացնելու պայմանները հասանելի են այստեղ: