Hero House AI ինկուբատորի թիմերը կներկայացնեն իրենց նախագծերը

Հունիսի 16-ին կկայանա Hero House-ի Արհեստական Բանականության ինկուբատորի երրորդ շրջափուլի Դեմո Օրը։

Միջոցառման ընթացքում կներկայացվեն թիմերի հետազոտական աշխատանքի արդյունքները արհեստական բանականության և մեքանայական ուսուցման տարբեր թեմաների շուրջ։

Միջոցառման ընթացքում, բազմաթիվ ընկերությունների, ղեկավարների և հետազոտողների հետ համատեղ, կներկայացվեն ընտրված խնդիրները մեքենայական ուսուցման ոլորտում, նրանց լուծմանը հասնելու ամբողջ ճանապարհը և տվյալ փուլում ստացված արդյունքները։

Տվյալների հավաքագրումից և պատրաստումից, մինչև տարատեսակ մոդելների կիրառում, հնարավոր է հետևել նախագծի զարգացման ամբողջ ընթացքին։

Նախապես գրանցումը պարտադիր է, գրանցվել հնարավոր է այստեղ։

Արհեստական Բանականության Ինկուբացիոն ծրագիրը նպաստում է նորարարության և գիտության զարգացմանը՝ աջակցելով գիտական հետազոտություններին, որոնք կազմակերպություններին զինում են ժամանակակից տեխնոլոգիաներով և նպաստում լայնածավալ զարգացմանը:

Ծրագիրն իրականացվում է «Քաթըլիսթ» հիմնադրամի կողմից՝ Եվրոպական միության ԵՄ-ն բիզնեսի համար նախաձեռնության ներքո Գերմանիայի միջազգային համագործակցության ընկերության (GIZ) կողմից իրականացվող «Նորարարական տուրիզմի և տեխնոլոգիաների զարգացում Հայաստանի համար» ծրագրի աջակցությամբ (EU-ITTD)։