Հայատառ .հայ դոմենի 6-ամյակի առիթով հայտարարվել են մրցույթներ

Մայիսի 5-ին «.հայ» դոմենը դառնում է 6 տարեկան, եւ այդ առիթով «Ինտերնետ հանրություն» ՀԿ-ն արդեն երկրորդ անգամ հայտարարում է մրցույթներ։

«.հայ»-Նեթ լավագույն կայքերի մրցույթի արդյունքներն ամփոփվելու են աշնանը։

Մասնակցության հայտ կարող են ներկայացնել ինչպես «.հայ» տիրույթում արդեն  գրանցված ավելի քան 1100 կայքերը, այնպես էլ նոր գրանցվողները։

Մրցույթում նախատեսված է երկու մրցանակ՝

•    Լավագույն դիզայն,
•    Լավագույն հայկական բովանդակություն:

Երկրորդը Վիքի.հայ մրցույթն է, որի նպատակը՝ հայերեն Վիքիպեդիայում հայկական մշակույթը եւ գիտությունը ներկայացնող հոդվածները զարգացնելն ու արդիականացնելն է: Անցյալ տարի այս մրցույթի շնորհիվ հայերեն Վիքիպեդիան հարստացվել է ավելի քան 700 հոդվածով։

Մրցույթի մասնրամասներին կարող եք ծանոթանալ այստեղ։