2021 թվականի II եռամսյակում Facebook-ն ունեցել է վերջին 5 տարվա ընթացքում հասույթի ամենաարագ աճը: Այն կազմել է $ 29,07 միլիարդ (+ 56%):
Ինչպես հայտնում է The Bell-ը՝ վկայակոչելով WSJ-ին, ընկերության ռեկորդային ցուցանիշները կապված են գովազդային եկամուտների շարունակական աճի հետ:
Բացի այդ, Facebook-ը շարունակում է օգուտ քաղել այն սպառողների աճող թվից, ովքեր համաճարակի պայմաններում սկսել են բրենդերից գնումներ կատարել Instagram-ի եւ WhatsApp-ի միջոցով:
Չնայած տպավորիչ ֆինանսական արդյունքներին, Facebook-ի բաժնետոմսերի գինն ընկել է ավելի քան 3%-ով. ընկերությունը հայտարարել է, որ տարվա երկրորդ կեսին ակնկալում է հասույթի աճի դանդաղեցում՝ գովազդի թիրախավորման հավանական խնդիրների պատճառով, որոնք, մասնավորապես, պայմանավորված են iOS օպերացիոն համակարգում գաղտնիության կարգավորումների փոփոխությամբ:
