Huawei-ի ղեկավար Սյու Չժիցյունը հայտարարել է, որ ընկերությունը 2030թ. կներկայացնի իր 6G ցանցը, որը 5G-ից 50 անգամ ավելի արագ կլինի:
Huawei-ը նաեւ նախատեսում է ներկայացնել 6G-ի պաշտոնական նկարագրությունը, որը կօգնի ոլորտի ներկայացուցիչներին ավելի լավ պատկերացնել հաջորդ սերնդի ցանցերի ֆունկցիոնալությունը եւ հզորությունը:
Այս տարվա փետրվարին հայտնի դարձավ, որ Apple ընկերությունը սկսել է մասնագետներ որոնել՝ 6G տեխնոլոգիա մշակելու համար: Ընկերությունը դեռ 2020-ի նոյեմբերին էր միացել Next G Alliance-ին, որը միավորում է 6G-ի եւ հաջորդ սերնդի այլ տեխնոլոգիաների ստանդարտների վրա աշխատող ընկերություններին: Դաշինքում ներառված են նաեւ Google-ը, HP-ն, Intel-ը եւ այլ ընկերություններ:
Միաժամանակ, 2020թ. դեկտեմբերին Եվրոպայում մեկնարկեցին 6G ցանցի մշակման աշխատանքները: Hexa-X նախագծի շրջանակում Nokia-ն գլխավորում է այն ընկերությունների եւ համալսարանների խումբը, որոնք կզբաղվեն 6G ցանցի ներդրմամբ՝ Եվրամիության ֆինանսավորմամբ: Խմբում ընդգրկված են նաեւ Ericsson, Orange, Telefonica, Intel եւ Siemens ընկերությունները:
15:40 | 15.04.21 |
Նորություններ
Կապի օպերատորներից ամենից շատ հարկ վճարել է Վիվա-ՄՏՍ-ը
