«Ռոստելեկոմ»-ը նոր առաջարկ է ներկայացրել բոլոր ինքնամեկուսացված բաժանորդներին

Հաշվի առնելով այն փաստը, որ COVID 19 համաճարակի դեմ պաշտպանական միջոցառումների շրջանակներում բոլոր դպրոցականները, ուսանողները եւ այլ քաղաքացիներ մնում են տանը, «Ռոստելեկոմ»-ը ներկայացնում է նոր առաջարկ՝ իր բաժանորդների տնային ժամանցի համար:

Մարտի 13-ից սկսած «Ռոստելեկոմ»-ի ՍՄԱՐԹ հեռուստատեսության բոլոր բաժանորդները հնարավորություն կունենան դիտելու մանկական (CH 500-517) եւ ժամանցային (CH 100-124) ժանրերի բոլոր հեռուստաալիքներն անվճար։    

Առաջարկը գործում է մինչեւ մարտի 31-ը ներառյալ:    

Հիշեցնենք, որ այսօր կորոնավիրուսի հետ կապված ընթացիկ իրավիճակը գնահատելու համար ՀՀ վարչապետի կողմից հրավիրված խորհրդակցության արդյունքում որոշում է կայացվել հանրակրթական բոլոր հաստատություններում՝ դպրոցներում, նախակրթարաններում, բուհերում դասերը առնվազն մինչեւ մարտի 23-ը ընդհատելու մասին:

Ընկերությունը եւս միանում է բոլոր զգուշացումներին եւ հորդորում՝ պահպանել հիգիենայի բոլոր կանոնները։