Խաղերի մշակմամբ զբաղվող Playrix ընկերությունը մուտք է գործում Հայաստան

Խաղերի ստեղծմամբ զբաղվող աշխարհի առաջատար ընկերություններից Playrix-ը ձեռք է բերել խաղերի ստեղծմամբ զբաղվող հայաստանյան Plexonic ընկերությունը, որն այսուհետ կգործի Playrix Armenia անունով:

Նշվում է, որ Playrix Armenia-ն կգլխավորի Plexonic ընկերության հիմնադիր եւ գործադիր տնօրեն Գեւորգ Սարգսյանը: 

Հայաստանյան թիմն արդեն սկսել է աշխատել նոր մոբայլ խաղի ստեղծման ուղղությամբ:

10:57 | 14.12.17 |

Plexonic եւ WHAT (games) ընկերությունները նոր խաղ են գործարկել

«Լինելով Հայաստանում մոբայլ խաղեր մշակող խոշորագույն խաղացողներից մեկը, շատ ոգևորված ենք խաղերի ստեղծման հայաստանյան շուկայում նոր հեռանկարներ բացելու համար՝ այս անգամ Playrix-ի հսկայական մասշտաբների և կարողությունների միջոցով»,- նշել է Գևորգ Սարգսյանը:

«Plexonic-ի տաղանդավոր թիմի հետ միասին մենք ընդլայնելու ենք կադրերի հավաքագրման ջանքերը՝ շուկայում լավագույն տաղանդներին գրավելու և բարձրորակ մոբայլ խաղեր ստեղծելու համար: Playrix Armenia-ն արդեն տարածաշրջանում խաղային խոշորագույն ընկերություն դառնալու ճանապարհին է»,- ասել է Playrix-ի համահիմնադիր Դմիտրի Բուխմանը:

10:29 | 04.08.15 |

Ամենանորաձեւ IT գրասենյակները. Plexonic

Խաղերի ծրագրավորմամբ զբաղվող Plexonic ընկերությունը հիմնադրվել է 2008թ.՝ դառնալով Հայաստանում տեղակայված խաղային լուծումներ մշակող առաջին ստուդիան: Մինչ օրս այն ավելի քան 60 խաղ է նախագծել: Ամենահայտնիներից են՝ Panda Jam-ը, Paint Monsters-ը, Pet Savers-ը եւ Stretch-ը:

2004թ. Ռուսաստանում Իգոր եւ Դմիտրի Բուխմանների կողմից հիմնադրված Playrix-ը, որի կենտրոնակայանը գտնվում է Դուբլինում, աշխարհի հինգ առաջատար խաղաստեղծ ընկերություններից է: Playrix-ն ունի մասնաճյուղեր 10-ից ավել քաղաքներում, որտեղ աշխատում է, ընդհանուր առմամբ, 1000 մարդ: 2018թ. ընկերությունը հռչակվել է մոբայլ խաղերի աշխարհում ամենաշատ գումար վաստակող 10 ընկերություններից մեկը: