Cisco Systems-ի ներկայացուցիչը՝ կիբերհանցագործների զոհ չդառնալու մասին

Cisco Systems ընկերության կիբերանվտանգության վաճառքների ղեկավար Բրեմտան Մուջեբը Երեւանում կայացած Silicon Mountains համաժողովի շրջանակում պատասխանել է Itel.am-ի հարցերին:

Կիբերանվտանգության մասնագետի հետ զրուցել ենք ոլորտի թրենդների եւ կիբերհանցագործների զոհ չդառնալու նրբությունների մասին:

2019թ. թիրախներն ու 2020թ. վտանգները

2019թ-ի գլխավոր վտանգներից էր Ransomware-ը (վնասաբեր ծրագիրը արգելափակում կամ հրապարկում է զոհի ինֆորմացիան եւ զոհից գումար կորզում), որը ինտերնետ չարագործների համար վերջին տարիներին դարձել է բավական եկամտաբեր բիզնես:

Բրեմտան Մուջեբը եւ Նարինե Դանեղյանը

Անցած տարի սկսեցինք նկատել միտում, որ կրիպտո մայնինգն ավելի ու ավելի է մտնում հանրային եւ բանկային ոլորտներ:

Կարծում եմ՝ 2020թ. crypto-jacking-ը (առանց թույլտվության որեւէ մեկի համակարգչի օգտագործումն է կրիպտոարժույթի մայնինգ իրականացնելու նպատակով) ավելի կտարածվի եւ կակտիվանա: Արդյունքում, կավելանա հարձակումների թիվը արդյունաբերական համակարգերի, IoT միջավայրերի վրա:

10:07 | 26.02.18 |

Ռալֆ Էչեմենդիա. Կիբեր անվտանգության լավագույն լուծումը հասարակությանը կրթելն է

Մի մեծ միտում, որը նկատվել է 2019թ. եւ կշարունակվի նաեւ այս տարի, կառավարությունների կողմից իրականացվող կիբեր հարձակումներն են: Կարող ենք ասել, որ պատերազմները ավանդական տեսակից փոխակերպվում են թվայինի: Նման պատերազմների օրինակներ արդեն տեսել ենք 2019թ.՝ մի շարք երկրների մասնակցությամբ, որոնց անունները տալ չեմ ցանկանում:

Ինչպե՞ս չդառնալ կիբեր հանցագործների զոհ

Առաջին խորհուրդն է՝ տեղեկացված եղեք: Կիբերանվտանգության թեմայով կրթվեք: Պարտադիր չէ որ փորձագետ լինեք: Ուղղակի, որպես անհատ, որոշ կոնկրետ միջոցառումներ իրականացրեք, որպեսզի ձեզ, ձեր ընտանիքը, ձեր բիզնեսը, ձեր երկիրն անվտանգ պահեք:

Անվտանգության այդ միջոցառումները կարող են կազմված լինել շատ պարզ բաղադրիչներից՝ անվտանգ գաղտնաբառեր, նույնականացման ուժեղ համակարգեր:

Այսօր ընկերություններում արտահոսքի 80%-ն իրականացվում է աշխատակիցների եւ կիբերանվտանգության վտանգներին առնչվող կրթվածության բացակայության պատճառով:

Այնպես որ, կրթվեք: Սկսեք ձեր տանից, գտեք, թե ինչ խելացի սարքեր կան ձեր տանը:

Այսօր ամենամեծ մարտահրավերներից է այն, որ գնալով ավելի ու ավելի շատ իրար կապված սարքեր են առաջանում մեր շրջապատում եւ նրանք ապահով չեն: Այո, նրանք թեթեւ են, երբեմն՝ էժան, ունեն ընդհանրական գաղտնաբառ, որն օգտատերերը սովորաբար չեն փոխում, եւ որը հանրային է: Սա կարող է աննախադեպ կերպով հեշտացնել չարագործների մուտքը ձեր տուն:

Նարինե Դանեղյան