«Մայքրոսոֆթ»-ն ու ATOM ծրագիրը շուտով փոխգործակցության հուշագիր կստորագրեն

Հայաստանի նախագահ Արմեն Սարգսյանը Դավոսում ընթացող Համաշխարհային տնտեսական համաժողովի շրջանակում հանդիպել է համաշխարհային տեխնոլոգիական առաջատար «Մայքրոսոֆթ» ընկերության Համաշխարհային կոմերցիոն բիզնեսի (WCB) գործադիր փոխնախագահ Ջուդսոն Ալթհոֆի հետ:

Կարեւորելով ընկերության հետ համագործակցության ընդլայնումն ու համատեղ ծրագրերի իրականացումը՝ Արմեն Սարգսյանը ներկայացրել է տեխնոլոգիական եւ կրթական հանգույց դառնալու՝ Հայաստանի հնարավորությունները։

12:28 | 22.01.20 |

Արմեն Սարգսյանը Դավոսում հանդիպել է Mitsubishi Heavy Industries-ի եւ Siemens-ի ղեկավարների հետ

Ջուդսոն Ալթհոֆն ասել է, որ իրենց ընկերությունը հետաքրքրված է ATOM (Advanced Tomorrow) նախագահական նախաձեռնության շրջանակում համագործակցությամբ, մասնավորապես, արհեստական բանականության զարգացմամբ, մաթեմատիկական մոդելավորմամբ եւ մի շարք այլ ուղղություններով։

Համակարծիք լինելով, որ «Մայքրոսոֆթ»-ը հետաքրքիր գործընկեր կարող է լինել նախագահական հիշյալ ծրագրի համար՝ կողմերը պայմանավորվել են շարունակել քննարկումները եւ առաջիկայում ստորագրել փոխգործակցության մասին հուշագիր։ Անդրադարձ է եղել նաեւ կրթական ոլորտում համագործակցությանը: