14:52 | 10.01.20 | Նորություններ | 2354

Facebook-ի նոր գործառույթը թույլ կտա ավելի քիչ քաղաքական գովազդներ տեսնել

Facebook-ը նախատեսում է հնարավորություն տալ հարթակի օգտատերերին ավելի լայն հսկողություն ունենալ նորությունների ժապավենում հայտնվող քաղաքական գովազդի նկատմամբ:

Մասնավորապես, նոր գործառույթի միջոցով օգտատերերը կկարողանան սահմանափակել քաղաքական գովազդի այն ծավալը, որը տեսնում են:

2020թ. ամռանը ԱՄՆ օգտատերերն առաջինը կկարողանան նվազեցնել ժապավենում քաղաքական գովազդի քանակը:

Հիշեցնենք, որ Facebook-ի հիմնադիր Մարկ Ցուկերբերգը 2019թ. հոկտեմբերին հայտարարեց, որ ընկերության համար սոցիալական ցանցերում քաղաքական գովազդներ տեղադրելու նպատակը գումար վաստակելը չէ:

ԱՄՆ-ում նախագահական ընտրությունների քարոզարշավին ընդառաջ սեփական հարթակում քաղաքական գովազդների արգելքի մասին ամիսներ առաջ հայտարարեց Twitter-ը: Արգելքը վերաբերվում է ինչպես կոնկրետ թեկնածուներին գովազդող, այնպես էլ կարեւոր քաղաքական հարցերի շուրջ վճարովի գրառումներին: