Նոյեմբերի 12-ին Երեւանում կկայանա SAP Innovation Day Armenia միջոցառումը, որը կհամախմբի ՏՏ եւ բիզնես ոլորտների ներկայացուցիչներին:
Միջոցառման շրջանակում SAP միջազգային ընկերության հաճախորդները, գործընկերները եւ փորձագետները կպատմեն, թե ընկերության նորարարական լուծումներն ինչպես են օգնում իրենց՝ հաղթող դուրս գալ մրցակիցների հետ պայքարում, եւ թե ինչպես է հնարավոր նոր տեխնոլոգիաների միջոցով հաստատվել զարգացող շուկաներում:
Համաժողովի գործընկերներն են IBA Group-ը եւ АтлантКонсалт-ը:
Կներկայացվեն նաեւ SAP-ի նորագույն լուծումները, ընկերության մասնագետները կկիսվեն իրենց փորձով, իսկ Հայաստանից, Բելառուսից եւ Ռուսաստանից հաճախորդները կպատմեն իրենց բիզնեսներում այդ տեխնոլոգիաների ներդրման մասին:
Միջոցառման ամբողջական օրակարգը հասանելի է այստեղ:
SAP-ը Գերմանիայում տեղակայված անդրազգային ընկերություն է, որը ներկայացնում է ձեռնարկությունների ռեսուրսների կառավարման ավտոմատացված համակարգ:
Ընկերությունն օգնում է տարբեր չափերի եւ ուղղության կազմակերպություններին արդյունավետ կառավարել իրենց բիզնեսը: SAP-ի լուծումներից այսօր օգտվում է ավելի քան 378 հազ. հաճախորդ:
