16:13 | 18.03.19 | Նորություններ | 8271
ԱԲ-ով աշխատող Travelinsights-ը կնպաստի ՀՀ-ում տուրիզմի զարգացմանը
Այսօր Երեւանում կայացել է արհեստական բանականությամբ (ԱԲ) աշխատող Travelinsights գործիքի շնորհանդեսը:
Գործիքն օգնելու է զարգացնել Հայաստանի զբոսաշրջային ոլորտը` առցանց հայտնի հարթակներից իրական ժամանակում հավաքելով եւ վերլուծելով տարբեր ծառայությունների վերաբերյալ կարծիքներ: Գործիքը, վերլուծելով հավաքագրած առցանց տվյալները, օգնում է հասկանալ զբոսաշրջության ոլորտում առկա դրական ու բացասական երեւույթները՝ զբոսաշրջիկի աչքերով:
Գործիքի մշակմանը ներգրաված են եղել տվյալագետներ, ծրագրավորողներ, դիզայներներ, ուսանողներ, ինչպես նաեւ զբոսաշրջության ոլորտի փորձագետներ:
ՀՀ կառավարության եւ ՄԱԿ-ի Զարգացման ծրագրի կողմից ստեղծված պիլոտային ծրագիրը, որը ֆինանսավորվում է Ռուսաստանի Դաշնության կողմից, կնպաստի երկրի տնտեսական զարգացմանը:
Travelinsights-ը մշակվել է Կայուն զարգացման նպատակների (ԿԶՆ) ազգային նորարարական կենտրոնի կողմից:
«Գործիքը մեզ կարող է օգնել հասկանալ զբոսաշրջիկների բավարարվածության ու դժգոհության աղբյուրները, լուծել ոլորտի խոցելի հարցերը, զարգացնել զբոսաշրջության շուկան, ինչպես նաեւ ներդրումներ կատարել նոր շուկաներում ու ծառայություններում, ինչպիսիք են էկոտուրիզմն ու գաստրոտուրիզմը»,- նշել է ՀՀ փոխվարչապետ Տիգրան Ավինյանը:
Travelinsights-ը կգործի որպես հարթակ բիզնեսների համար, ներառյալ` ռեստորանների, հյուրանոցների եւ թանգարանների, որոնք ցանկանում են զբոսաշրջության ոլորտում հետեւել հիմնական միտումներին եւ բարելավել իրենց ծառայությունները:
Ազգային նորարարական կենտրոնը ՀՀ կառավարության եւ ՄԱԿ-ի համատեղ նախաձեռնությունն է, որին աջակցում է ՄԱԶԾ-ն:
«Մեր վերջնանպատակն է բազմապատկել մի շարք ոլորտներում եւ զարգացման նպատակների վրա դրական ազդեցությունը, ներառյալ արժանապատիվ աշխատանքը եւ լավ ենթակառուցվածքները»,- նշել է ՄԱԶԾ ադմինիստրատորի տեղակալ, Արեւելյան Եվրոպայի եւ ԱՊՀ երկրների տարածաշրջանային բյուրոյի տնօրեն Միրյանա Սպոլյարիչ Էգգերը:
12:06 | 18.03.19 |
Նորություններ
Պյոտր Սվիտալսկին հանդիպել է ԵՄ աջակցություն ստացած հայաստանյան ստարտափներին
10:58 | 18.03.19 |
Նորություններ
Գյումրիում կայացել է «Աղջկա նման» կանանց զորեղացման ծրագիրը
