Աշխատանքներ են տարվում Ինժեներական քաղաքի ստեղծման ուղղությամբ

ՀՀ կառավարությունը հունվարի 10-ի նիստում Երեւան քաղաքի Նոր-Նորք վարչական շրջանի Բագրեւանդ փողոցի հ․74 հասցեում գտնվող Երեւան համայնքի սեփականություն հանդիսացող 135.720.000 դրամ կադաստրային արժեք ունեցող 3 հա մակերեսով բնակավայրի նպատակային նշանակության, հասարակական կառուցապատման գործառնական նշանակության հողամասը Հայաստանի Հանրապետությանը նվիրաբերելու մասին որոշում է ընդունել:

Գույքը նախատեսվում է ամրացնել ՀՀ տրանսպորտի, կապի եւ տեղեկատվական տեխնոլոգիաների նախարարությանը:

11:54 | 01.11.18 |

«Ինժեներական քաղաք»-ն ամբողջությամբ կգործի 2020թ. վերջին

Համապատասխան որոշմամբ սահմանվում են դրույթներ նվիրատվությունը ընդունելու, ՀՀ տրանսպորտի, կապի եւ տեղեկատվական տեխնոլոգիաների նախարարության հաշվեկշռում գրանցելու եւ Ինժեներական քաղաքի ստեղծման համար կազմակերպություններին նվիրաբերությամբ տարածքներ տրամադրելու մասին։

Կառավարության հիմնավորմամբ, ՀՀ օրենսդրությամբ սահմանված նվիրաբերությամբ տարածքները տրամադրվելու են համապատասխան պայմանագրային հիմունքներով, որտեղ սահմանվելու է հողատարածքի հետագա տնօրինման եւ տիրապետման առանձնահատկությունները:

17:30 | 22.08.18 |

Վարչապետը ծանոթացել է «Ինժեներական քաղաք»-ի կառուցման ընթացքին

Ըստ գործադիրի՝ հողի սեփականության իրավունքի փոխանցման համար ընտրվել է նվիրաբերության գործարքի եղանակը, քանի որ այն հնարավորություն է տալիս պետությանը տվյալ գույքի ոչ նպատակային օգտագործման դեպքում դադարեցնել սեփականության իրավունքը եւ վերադարձնել այն։