Մանուկ Հերգնյան

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Ալեքսիս Օհանյան

Reddit

Ամերիկահայ ձեռներեց, ներդրող, Reddit սոցիալական լրատվական կայքի համահիմնադիր

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

Նինա Աչաջյան

HIVE

HIVE ներդրումային հիմնադրամի հիմնադիր

Mathuk

Մաթեմատիկա սովորեցնող օնլայն համակարգ

ARM TVs

Հայկական հեռուստաալիքները մեկ հավելվածում

Gugas

Միավորում է տաքսիի եւ քարփուլինգի գործառույթները

TaxoLine

Տաքսիների օնլայն պատվիրում Երեւանում

Dhole

Խաղի միջոցով սովորել համաստեղությունների անունները

Chessify

Շախմատի խաղատախտակի սքանավորում եւ վերլուծություն

Calculator (APPA)

Հաշվել ԱՊՊԱ-ի հետ կապված ծախսերը

Velopark

Հեծանվային կայանատեղիների, սպասարկման կետերի որոնում

Բիզնես հրեշտակների համաժողովը միավորել է ոլորտի խաղացողներին

Երեւանում նախորդ շաբաթ կայացել է բիզնես հրեշտակների համաժողովը, որին մասնակցում էին հայ եւ արտասահմանցի գործարար-ներդրողներ, այդ թվում՝ Եվրոպայի Բիզնես ներդրողների ցանցի (EBAN) պատվավոր նախագահ Բրիջիթ Բոումենը:

Համաժողովը կազմակերպել էր «Հայաստանի բիզնես հրեշտակների ցանցը» (BANA)՝ Եվրոպական միության «Աջակցություն ՓՄՁ զարգացմանը Հայաստանում» ծրագրի աջակցությամբ:

Բրիջիթ Բոումենն, ով Եվրոպայի վենչուրային տարածքում ամենաազդեցիկ 50 կանանցից մեկն է, հիմնադրել է Go Beyond ներդրումային ընկերությունը, որը գործում է Ֆրանսիայում, Մեծ Բրիտանիայում, Միացյալ Նահանգներում ու Շվեյցարիայում։ Այն խորհրդատվություն է տրամադրում գործարարներին եւ տարբեր երկրների կառավարություններին։

«Մենք հրեշտակ ենք 2 թեւով, այսինքն՝ ոչ միայն ներդրում ենք անում, այլեւ աջակցում ենք, որ ստարտափները դուրս գան միջազգային շուկա, գործարարներն ու նորարարական գաղափարների հեղինակները գտնեն միմյանց, կապ հաստատեն, դա է մեր առաքելությունը»,- դիմելով ներկաներին՝ ընդգծել է Բոումենը։

Միջոցառմանը ողջույնի խոսքով հանդես են եկել ՀՀ փոխվարչապետ Տիգրան Ավինյանը, Տրանսպորտի, կապի եւ ՏՏ փոխնախարար Հակոբ Արշակյանը, նաեւ Հայաստանում ԵՄ պատվիրակության համագործակցության բաժնի ղեկավարի տեղակալ Գրեգորի Ցուրիսը:

Գերմանիայի միջազգային համագործակցության ընկերության (GIZ) հայաստանյան գրասենյակի տնօրեն Աննե Դորիթ Կեմպան ընդգծել է ստարտափների կարեւորությունը Հայաստանի տնտեսական զարգացման գործում.

«GIZ-ը ներգրաված է Հայաստանի ստարտափ էկոհամակարգի կայացման գործում։ Մեր «Աջակցություն ՓՄՁ զարգացմանը Հայաստանում» ծրագրի միջոցով նպաստում ենք այս ոլորտի կայացմանը, այդ թվում՝ աջակցում ենք Հայաստանի բիզնես հրեշտակների աշխատանքին»,- ասել է նա:

«Հավատում ենք, որ Հայաստանի տնտեսական ապագան պետք է կառուցվի զարգացած եւ մրցունակ ստարտափ էկոհամակարգի հիման վրա։ Էկոհամակարգ, որը մոտ ապագայում կմրցի Իսրայելի, Բարսելոնայի եւ Սիլիկոնյան Հովտի հետ»,- իր հերթին նշել է BANA-ի ղեկավար Գրիգոր Հովհաննիսյանը:
Համաժողովն իրականացվում էր Եվրոպական միության «Աջակցություն ՓՄՁ զարգացմանը Հայաստանում» ծրագրի, եվրոպական ESIL ծրագրի եւ GlobalAM ՀԿ-ի աջակցությամբ։

Աջակցություն ՓՄՁ զարգացմանը Հայաստանում ծրագիրը համաֆինանսավորվում է Եվրոպական միության եւ Գերմանիայի Դաշնային Հանրապետության Տնտեսական համագործակցության եւ զարգացման նախարարության կողմից եւ իրականացվում ԳՄՀԸ «Մասնավոր հատվածի զարգացումը Հարավային Կովկասում» ծրագրի շրջանակում: Ծրագիրը հանդիսանում է Եվրոպական միության ԵՄ-ն՝ բիզնեսի համար եւ ԵՄ-ն՝ նորարարության համար նախաձեռնությունների մաս:

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo