Zangi-ի նոր գործառույթները ներկայացվել են Mobile World Congress-ում

Հայկական Zangi ընկերությունը՝ համանուն հավելվածով, Բարսելոնայում մեկնարկած Mobile World Congress-ում ներկայացրել է մի շարք նորություններ:

Ցուցահանդեսում առանձին տաղավարով հանդես եկող հայկական ընկերությունը գործարկել է վեբ տարբերակը, որն օգտատիրոջը հնարավորություն է տալիս միեւնույն օգտահաշիվն (account) օգտագործել ոչ միայն սմարթֆոնից ու պլանշետից, այլեւ համակարգչի դիտարկիչից:

Մյուս նորությունը Zangi-ի Desktop հավելվածն է: Հասանելի է դարձել նաեւ Group Chat-ի հնարավորությունը:

Zangi-ի տաղավար է այցելել նաեւ պատվիրակության ղեկավար, ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանը:

Ընկերության ներկայացուցիչների խոսքով՝ Mobile World Congress-ի շրջանակում տաղավարի նկատմամբ մեծ հետաքրքրություն է նկատվում, ինչը ենթադրում է առաջիկայում միջազգային համագործակցության ընդլայնում, ընկերության ճանաչելիության բարձրացում։