14:44 | 27.04.12 | Նորություններ | 754
AREAL գծային արագացուցիչը նախատեսվում է գործարկել հաջորդ տարվա ընթացքում
Երեւան: Մեդիամաքս: Այսօր վարչապետ Տիգրան Սարգսյանի գլխավորությամբ տեղի է ունեցել «Քենդլ» նախագծի համակարգող խորհրդի նիստը:
Նիստում ներկայացվել է «Քենդլ» նախագծի առաջընթացի ուղղությամբ կատարված աշխատանքների, նախագծի առաջին փուլի՝ AREAL գծային արագացուցչի կառուցման աշխատանքների ընթացքի մասին: Արդեն ստացվել են 1,5 մլն եվրոյի սարքավորումներ, եւս 1 միլիոն եվրոյի սարքավորումներ կստացվեն առաջիկայում:
AREAL գծային արագացուցիչը նախատեսվում է գործարկել հաջորդ տարվա ընթացքում: Այն հնարավորություն կտա ստանալ փոքր էմիտանսով էլեկտրոնային փնջի գերկարճ իմպուլսներ, ինչը ժամանակակից փնջերի ֆիզիկայի եւ արագացուցչային տեխնիկայի հեռանկարային բնագավառներից է եւ գերակա ուղղություն է աշխարհի առաջատար կենտրոնների համար:
AREAL գծային արագացուցիչը կարեւոր գիտական եւ կիրառական նշանակություն կունենա ֆիզիկայի, կենսաբանության, քիմիայի եւ նյութագիտության բնագավառների առաջատար փորձարարական հետազոտությունների համար:
Նախագիծն իրականացվում է Գերմանական DESY, շվեյցարական PSI, Սթեմֆորդի SLAG կենտրոնների եւ Նովոսիբիրսկի Միջուկային ֆիզիկայի ինստիտուտի հետ համագործակցությամբ:
14:38 | 27.04.12 |
Նորություններ
IT-ոլորտը կաջակցի Հայաստանի պետգնումների համակարգի բարեփոխմանը
14:21 | 27.04.12 |
Նորություններ
Ինչպե՞ս պաշտպանել կայքը DDOS հարձակումից
