Յունիբանկը կգործարկի mobile commerce ծառայությունը

Երեւան/Մեդիամաքս/.Յունիբանկը մտադիր է գործարկել mobile commerce (առեւտուր բջջային հեռախոսի միջոցով) ծառայությունը: 

“2012թ.-ի հունվարին նախագիծը կենթարկվի անհրաժեշտ թեստավորման, որից հետո   ծառայությունը հասանելի կդառնա հաճախորդների համար”, - այսօր Մեդիամաքս-ին հայտնեցին Յունիբանկում:

Mobile commerce ծառայության շնորհիվ մանրածախ ծառայությունների եւ ապրանքների դիմաց վճարումներն իրականացումն են բջջային հեռախոսի միջոցով:

Այն նաեւ հնարավորություն է տալիս հաճախորդներին կառավարել իրենց բանկային հաշիվները, կատարել դրամական փոխանցումներ, գնումներ, վճարումներ կոմունալ ծառայությունների դիմաց, քարտից քարտ փոխանցումներ եւ այլն:

Ծառայությունից օգտվելու համար Յունիբանկի հաճախորդների բջջային հեռախոսներում կտեղադրվի հատուկ ծրագիր, որը կապահովի անվտանգ գործարքների իրականացումը: