Ստեփանակերտի եւ Շուշիի տարրական դասարանների բոլոր աշակերտները կունենան XO նոթբուքներ

Երեւան: Մեդիամաքս: Ստեփանակերտի եւ Շուշիի 16 դպրոցների տարրական դասարանների բոլոր աշակերտները կունենան XO նոթբուքներ:

Ինչպես հաղորդում է Մեդիամաքս-ը, այս մասին այսօր “Ֆրութֆուլ Արմենիա”  համաժողովի ընթացքում ասել է “ՆՈՒՌ” (Նոր ուսումնական ռազմավարություն) ծրագրի ղեկավար դոկտոր Սեբաստիան Արիաս Դուվալը:

Նրա խոսքերով, laptop համակարգիչները աշակերտներին կտրվեն մինչեւ տարեվերջ, իսկ այս պահին ընթանում են ուսուցիչների` համակարգիչների հետ աշխատելու ուղղությամբ վերապատրաստումները:

“Laptop համակարգիչների առկայությունը չի բացառում դասագրքերով ուսուցումը, սակայն տարրական դասարանների ուսումնական ծրագրերը եւ դասագրքերը թվայնացված տարբերակով արդեն իսկ կան համակարգիչներում”,-ասել է ծրագրի ղեկավարը:

Նա տեղեկացրել է, որ ծրագիրը շարունակական է եւ անլար ինտերնետ հասանելիության դեպքում նպատակ ունի ընդգրկել ԼՂՀ տարածքի բոլոր դպրոցները: