OpenAI-ը ներկայացրել է Images 2.0 մոդելը

OpenAI-ը ներկայացրել է ChatGPT-ում պատկերներ ստեղծելու Images 2.0 մոդելը։

Այն արդեն հասանելի է չատբոտում եւ API-ի միջոցով։ OpenAI-ը նշել է, որ Images 2.0-ը ընկերության առաջին տեսողական մոդելն է՝ դատողականության հնարավորություններով։ Երբ ChatGPT-ում ընտրվում է դատողականության մոդել, Images 2.0-ը կարող է որոնել համապատասխան տեղեկատվություն համացանցում, ստեղծել բազմաթիվ պատկերներ մեկ հուշման համար եւ կրկնակի ստուգել դրա արդյունքները։

Ի տարբերություն ընկերության մյուս պատկերների ստեղծման մոդելների, Images 2.0-ն ավելի լավ է վերարտադրում ոչ լատինական գրեր օգտագործող լեզուները, այդ թվում՝ ճապոներենը, կորեերենը, չինարենը, հինդին եւ բենգալերենը։



Images 2.0-ն ավելի լավ է արտացոլում մանրամասները՝ օրինակ՝ լուսանկարներին «փոքրիկ թերություններ» ավելացնելով՝ ռեալիզմ ավելացնելու համար։ Ավելի ճշգրիտ է վերարտադրում կինեմատոգրաֆիկ կադրերը, պիքսելային արվեստը եւ այլ ոճեր։ Ընկերությունը նշել է, որ Images 2.0-ը ներկայում կարող է դժվարություններ ունենալ այնպիսի առաջադրանքներ կատարելիս, ինչպիսիք են օրիգամիի ձեռնարկների, հանելուկների կամ թեք մակերեսների վրա մասերի ստեղծումը։

Images 2.0-ը հասանելի է ChatGPT-ի եւ Codex-ի բոլոր օգտատերերի համար: Reasoning ռեժիմը հասանելի է ChatGPT Plus, Pro եւ Business բաժանորդների համար: Gpt-image-2 մոդելը նույնպես հասանելի է API-ում: