Թումո լաբերի AgriTech Ինկուբացիոն ծրագիրն ընդունում է հայտեր

Թումո լաբերում մեկնարկում է 12-շաբաթյա տեխնոլոգիական ինկուբացիոն ծրագիր՝ ուղղված AgriTech նախագծերի իրականացմանը:

Գաղափարների մշակման երկօրյա միջոցառմանը մասնակցելու համար կընտրվի 60 դիմորդ, որոնք 2 օրվա ընթացքում կգնահատվեն ըստ իրենց առաջնորդության եւ թիմային աշխատանքի հմտությունների: Գնահատման արդյունքում ընտրված 6 լավագույն թիմը հնարավորություն կստանա ձեւավորելու իր թիմը` 12-շաբաթյա ինկուբացիոն ծրագրին միանալու համար:

Այս 6 թիմից յուրաքանչյուրը կստանա 1250 դոլար եւ շարունակական աջակցություն` 12-շաբաթյա ծրագրի ընթացքում հատուկ մարզչի եւ մի շարք մենտորների հետ միասին իրենց գաղափարները վերջնականացնելու համար:

12-շաբաթյա ծրագրից հետո առավելագույնը 3 հաղթող թիմ հնարավորություն կստանա միանալ նախնական ակսելերացիայի փուլին:
Թումո լաբերը կտրամադրի համապարփակ աջակցություն՝ սկսած բիզնես մոդելի մշակումից մինչեւ ստարտափների խթանման կատարյալ ծրագիր եւ ներդրումների աղբյուր գտնելը:

Դիմելու վերջնաժամկետը նոյեմբերի 5-ն է, ծրագրի տեւողությունը՝ հունվարի 15-ից ապրիլի 8։

Կարող են դիմել 18 տարեկանից բարձր անձինք, որոնք պատրաստ են 12 շաբաթվա ընթացքում շաբաթական նվազագույնը 20 ժամ հատկացնել ծրագրին: Հնարավոր է մասնակցել որպես անհատ կամ որպես թիմ:

Դիմելու համար պետք է նամակ ուղարկել eutumocc@tumo.org հասցեին AgriTech Incubation 2023 վերնագրով` ներառելով CV/Ռեզյումե, թեկնածուի նկարագրություն, մոտիվացիոն նամակ:

Բոլոր մանրամասները հասանելի են այստեղ։