17:15 | 25.05.20 | Նորություններ | 2860
Xiaomi ընկերության նոր ֆիթնես թեւնոցը՝ Mi Band 5-ը, որը շուկայում կհայտնվի առաջիկայում, աչքի կընկնի մի շարք նորույթներով, մասնավորապես՝ հատուկ սենսորի օգնությամբ կչափի արյան մեջ թթվածնի մակարդակը:
Նշված գործառույթը հատկապես կարեւոր է դարձել համավարակի այս օրերին, քանի որ սարքը կարող է ահազանգել առողջության հետ կապված խնդիրների մասին՝ առաջին նշանների ի հայտ գալուց առաջ:
Mi Band 5-ը նաեւ անհպում վճարումների իրականացման համար NFC չիպի հնարավորություն կունենա եւ ինտեգրված Amazon Alexa ձայնային օգնական:
Եւս մեկ հետաքրքիր գործառույթ է Ակտիվության անհատական ինդեքսը, որը կվերլուծի սրտի ռիթմը, տարբեր ծանրաբեռնվածությունների հանդեպ օրգանիզմի ռեակցիան եւ կհաշվի, թե տվյալ մարդուն որքան ակտիվություն է պետք գրանցել՝ առողջ մնալու համար:
Չինաստանում սարքը վաճառքի կհանվի հուլիսի սկզբին, իսկ գլոբալ վաճառքների մեկնարկի մասին տեղեկատվություն դեռ հասանելի չէ:
10:33 | 18.09.24 | Հոդվածներ
Ucom-ը ներսից. Երեւակայությունը, շուկայի զարկերակն ու պրոդուկտների թիմը
10:30 | 19.08.24 | Հոդվածներ
Zenbook S 16. ASUS-ի նորույթն՝ արհեստական բանականության գործառույթներով