COVID-19-ը եւ Uber-ի ճգնաժամը. ընկերությունը փակում է գրասենյակներ եւ կրճատում թիմը

Կորոնավիրուսի համավարակի հետեւանքով ստեղծված ճգնաժամն ազդում է նաեւ տեխնոլոգիական հսկաների գործունեության վրա: Uber-ը հայտարարել է, որ կփակի 45 գրասենյակ, աշխատանքից կհեռացնի եւս 3000 մարդու եւ կվերանայի անօդաչու մեքենաներին առնչվող նախագծերը՝ համավարակի պատճառով:

Կրճատումները թույլ կտան ընկերությանը շուրջ $1 մլրդ տնտեսել:

Աշխատակիցներին ուղղված նամակում ընկերության ղեկավար Դարա Խոսրովշահին ասել է, որ առաջին հերթին կփակվի Սան Ֆրանցիսկոյում գտնվող գրասենյակը, որտեղ շուրջ 500 մարդ է աշխատում:

Նա տեղեկացրել է, որ ծախսերը կրճատելու նպատակով կդադարեն գործել ընկերության արտադրական ինկուբատորը եւ արհեստական բանականության լաբորատորիան:

Կքննարկվի նաեւ անօդաչու սարքերի եւ բեռնափոխադրումների ուղղությունները զարգացնելու նպատակահարմարությունը. այս ուղղությունները զարգացնելու համար ընկերությունը միլիոնավոր դոլարներ է ծախսել:

11:56 | 15.05.20 |

Սիլիկոնյան հովտից «արտագաղթ» է սկսվել

Ընկերության համար ստեղծված իրավիճակում ամենաեկամտաբերը Uber Eats առաքման ծառայությունն է, սակայն, Խոսրովշահիի խոսքով, այն ի զորու չէ լուծել ընկերության ֆինանսական խնդիրները:

Հիշեցնենք, որ մայիսի սկզբին Uber-ը հայտարարել էր 3700 աշխատակցի կրճատելու մասին, որը կազմում է ընկերության գլոբալ թիմի 14%-ը: