Ucom-ը կիսվում է կիբեռհիգիենայի եւ կիբեռանվտանգության փորձով

Ucom ընկերության աշխատակիցները շարունակում են կիսվել գիտելիքով ու փորձով Հայաստանի ավագ դպրոցների աշակերտների, նրանց ուսուցիչների, ուսանողների եւ դասախոսների հետ։ Մարտի 11-ին կայացած «Կիբեռանվտանգ Հայաստան» տեղեկատվական արշավին մասնակցել են Հայաստանի ողջ տարածքից Երեւան ժամանած շուրջ 123 հոգի։

Հաշվի առնելով կիբեռանվտանգության ապահովման կարեւորությունը, երիտասարդ օգտատերերի աճին զուգընթաց նաեւ կիբեռհանցագործությունների աճը՝ բանախոսները խոսել են կիբեռհիգիենայի, կիբեռբուլինգի, կիբեռթրաֆիկինգի եւ առհասարակ դրական թվային հետքի մասին։
 
«Ucom-ի աշխատակիցները մշտապես պատրաստ են իրենց գործնական փորձով ու առկա գիտելիքով կիսվել դրա անհրաժեշտությունն ունեցող եւ կիբեռտարածության մեջ առավել խոցելի խմբերի հետ։ Տարիներ շարունակ մենք հետեւողաբար կրթում ենք հատկապես աշակերտներին եւ մշտապես պատրաստ ենք միանալ կիբեռանվտանգության ոլորտում հասարակության տեղեկացվածության մակարդակի բարձրացմանն ուղղված ջանքերին»,- նշել է Ucom ընկերության համահիմնադիր եւ գլխավոր տնօրեն Հայկ Եսայանը։

Ucom ընկերության անունից «Կիբեռանվտանգ Հայաստան» միջոցառման ընթացքում կայացած համաժողով-քննարկմանը մասնակցել է Տեղեկատվական անվտանգության բաժնի ղեկավար Կարեն Գասպարյանը։ Խոսնակների թվում էին նաեւ կիբեռանվտանգության մասնագետ, միջոցառման կազմակերպիչ Անահիտ Պարզյանը, ԿԳՄՍ նախարարի տեղակալ Ժաննա Անդրեասյանը, ԱՆ Անձնական տվյալների պաշտպանության գործակալության պետ  Գեւորգ Հայրապետյանը եւ այլք։ Քննարկմանը հաջորդել է կիբեռանվտանգության կանոնների վերաբերյալ դասընթացը։