Beeline-ն ամփոփել է «Հաճախորդի օր» եւ «Հաճախորդի ձայն» ծրագրերի արդյունքները

Beeline-ն ամփոփել է «Հաճախորդի օր» եւ «Հաճախորդի ձայն» ծրագրերի արդյունքները, որի շրջանակում ընկերության ղեկավար կազմը շփվում է անմիջապես հաճախորդների հետ, ստանում է առաջարկներ բաժանորդներին հուզող հարցերի վերաբերյալ եւ օգնում լուծել բաժանորդներին հուզող հարցերը՝ հեռախոսով ու վաճառքի եւ սպասարկման գրասենյակներում։

«Հաճախորդի օր» ծրագիրը մեկնարկել է 2018 թ. մարտին։ Այս ընթացքում ընկերության ղեկավար կազմն իրականացրել է ավելի քան 500 զանգ հաճախորդներին՝ օգնելով լուծել զանազան հարցեր։

Ընդհանուր առմամբ, այս տարվա ընթացքում ընկերությունը հաճախորդներից ստացվել եւ մշակվել է ավելի քան 60 000 տարբեր տեսակի դիմում։

«Հաճախորդի օրը» Beeline-ում անցկացվում է յուրաքանչյուր եռամսյակը մեկ։

Ընկերության ղեկավար կազմն այդ օրերին աշխատում է հաճախորդների հետ վաճառքի եւ սպասարկման գրասենյակներում՝ ներկայացնում գործող ծառայությունները եւ ստանում հետադարձ կապ բաժանորդներին հուզող հարցերի վերաբերյալ։ Այս տարվա ընթացքում, յուրաքանչյուր եռամսյակ ընկերության տարբեր ստորաբաժանումների ավելի քան 70 աշխատակիցներ մասնակցել են ծրագրին։

«Beeline-ի քաղաքականության կարեւոր մասն է՝ օգնել հաճախորդներին եւ արագ արձագանքել նրանց առաջարկներին եւ բողոքներին։ Մենք ձգտում ենք հնարավորինս մոտ լինել մեր բաժանորդներին, իսկ այս երկու ծրագրերը շատ լավ գործիք են մեր նպատակին հասնելու համար: Ցանկանում եմ շնորհակալություն հայտնել բոլոր բաժանորդներին, ովքեր մեզ հետ կիսում են իրենց առաջարկները եւ օգնում մեզ ավելի լավ դառնալ»,- նշել է Հայաստանում Beeline-ի գլխավոր տնօրեն Անդրեյ Պյատախինը:

Միջազգային Որակի օրը Beeline-ի 12 բաժանորդ, ովքեր առավել ակտիվ են գնահատել ընկերության ծառայությունները, հետադարձ կապ են թողել եւ օգնել են բարելավել ծառայությունների որակը, հրավիրվել են Beeline-ի գլխավոր գրասենյակ։ Հյուրերի համար կազմակերպվել էր նաեւ շրջայց։