Ինֆորմացիոն տեխնոլոգիաների ձեռնարկությունների միությունը (ԻՏՁՄ) հայտարարել է իր գործունեությունն ընդլայնելու մասին՝ ներառելով առաջատար տեխնոլոգիաների ոլորտը:
Հայաստանի ՏՏ ոլորտի ավելի քան 80 ընկերությունների խոշորագույն բիզնես ասոցիացիան այսուհետ կկոչվի Առաջատար տեխնոլոգիաների ձեռնարկությունների միություն (ԱՏՁՄ-UATE):
«Տեղեկատվական տեխնոլոգիաների ոլորտի հիմնախնդիրները մոտ 90%-ով համընկնում են առաջատար այլ ոլորտների խնդիրների հետ. ինչպես օրինակ՝ կրթության հիմնախնդիրներն ու կադրերի պատրաստումը, «Հայաստանը՝ որպես բարձր տեխնոլոգիական երկիր» բրենդի առաջխաղացումը, ռազմարդյունաբերության ոլորտում բարձր տեխնոլոգիաների կիրառումը եւ այլն: Կարծում եմ, որ առաջատար տեխնոլոգիական ընկերությունների ընդգրկումը մեր ասոցիացիայի մեջ՝ կուժեղացնի մեր հնարավորությունները նշված խնդիրների համապարփակ լուծման համար», - նշել է ԱՏՁՄ գործադիր տնօրեն Կարեն Վարդանյանը:
