16:18 | 14.06.18 | Նորություններ | 11728

ՎիվաՍել-ՄՏՍ-ի աջակցությամբ Երեւանում հանդես կգա տնտեսագետ Կյել Նորդստրյոմը

Սեպտեմբերի 7-ին Երեւանում Skill.am-ի նախաձեռնությամբ իրականացվող #WTSA («Համաշխարհային թոփ բանախոսները Հայաստանում») նախագծի շրջանակում հանդես կգա ականավոր շվեդ տնտեսագետ Կյել Նորդստրյոմը:

Միջոցառման գլխավոր գործընկերն է ՎիվաՍել-ՄՏՍ-ը:

Կյել Նորդստրյոմը հանդես կգա «Business in FAANG style. ապագա առաջնորդների եւ կազմակերպությունների ռազմավարություն» դասախոսությամբ:

Դասախոսությունն անցկացվելու է անգլերենով՝ ռուսերեն համաժամանակյա թարգմանությամբ:

Կյել Նորդստրյոմը բիզնես ոլորտի՝ ներկայում ամենապահանջարկված մտածողներից մեկն է։ 1999թ. լույս տեսած Funky business համաշխարհային բեսթսելերն անդրադառնում է 21-րդ դարի նոր բիզնես միտումներին: Նորդստրյոմի հետազոտություններն ու խորհրդատվական գործունեությունը կենտրոնացած են միջազգային կորպորացիաների ռազմավարական կառավարման եւ գլոբալացման գործընթացների վրա: