16:28 | 21.03.18 | Նորություններ | 3840
«Կյանքի որակի փոփոխման մեջ թվային համակարգերն էական ներդրում կունենան»
ՀՀ նախագահ Սերժ Սարգսյանն այսօր ասել է, որ կառավարման արդյունավետության եւ քաղաքացիներին մատուցվող ծառայությունների որակի բարձրացման ամենաարդյունավետ ճանապարհը թվային տեխնոլոգիաների ներդրումն է:
Այս մասին նախագահը նշել է այսօր «Հայաստանի թվային փոխակերպման օրակարգ 2018-2030թթ.» շրջանակային փաստաթղթի եւ դրանից բխող 2018 թվականի գործողությունների ծրագրի վերաբերյալ կայացած խորհրդակցության ժամանակ:
«Մենք՝ որպես պետություն, մոտ քսան տարի է այս խնդիրների մասին խոսում ենք, դրանով զբաղվում ենք, բայց երբեք չենք ունեցել որոշակի ծրագիր, ուստի, չենք ունեցել նաեւ կոնկրետ կառույց, որը պետք է պատասխանատվություն կրի, համակարգի եւ աշխատանքներն առաջ տանի: Կարծում եմ, որ «Թվային Հայաստան» հիմնադրամն այս խնդիրները պետք է լուծի: Արդեն ունենք նախնական ծրագիր, ունենք գաղափարներ, եւ լավ կլինի, որ այդ գաղափարները հիմնավոր քննարկենք, ունենանք ծրագիր, որը իրատեսական կլինի իր ժամկետներով, ծախսերով եւ այլն, որպեսզի ինչ-որ ժամանակ հետո հավաքվենք եւ տեսնենք, թե ինչ ենք կարողացել անել»,- ասել է Սերժ Սարգսյանը:
Նա վստահություն է հայտնել, որ «ծախսերն ամբողջովին ծածկվելու են այն խնայողություններով, որ բերելու են այս ծառայությունները»:
«Անշուշտ, նաեւ ֆինանսավորման հասցեականությունն է բարձրանալու: Ընդհանրապես կյանքի որակի փոփոխման մեջ թվային համակարգերի ներդրումն էական դերակատարություն է ունենալու»,- ամփոփել է նախագահը:
14:32 | 21.03.18 |
Նորություններ
ՎիվաՍել-ՄՏՍ-ը Գորիսում ամփոփվել է բնակարանաշինության ծրագիրը արդյունքները
12:19 | 21.03.18 |
Նորություններ
ANEL-ում թվային փոխակերպմանը նվիրված սեմինար կանցկացվի
