Նոյեմբերի 10-ին Դիլիջանում կմեկնարկի 5-րդ ամենամյա Բիզնես ինովացիոն ֆորումը (#BIF2017)՝ «Դեպի նոր իրականություն» խորագրի ներքո:
Երկօրյա ֆորումի մասնակիցները թեմատիկ քննարկումների, գործարար ներկայացումների եւ շփումների միջոցով կներկայացնեն ինովացիոն զարգացման առաջավոր փորձը, ինչպես նաեւ կձեւավորեն հետագա գործողությունների պլան:
Ֆորումի հիմնական բաղադրիչներն են՝
- Թեմատիկ քննարկումներ` տեղական եւ միջազգային փորձագետների մասնակցությամբ,
- Հայաստանի թվային տրանսֆորմացիայի եւ ինովացիոն էկոհամակարգի օրակարգի ներկայացում,
- Հաջողության պատմություններ, լավագույն փորձի ներկայացումներ,
- Գործարար հանդիպումներ:
Ֆորումի մանրամասներին կարող եք ծանոթանալ այստեղ:
Բիզնես ինովացիոն ֆորումն իրականացվում է Ինֆորմացիոն տեխնոլոգիաների ձեռնարկությունների միության (ԻՏՁՄ) կողմից՝ ՀՀ վարչապետի բարձր հովանու ներքո:
Ֆորումի գլխավոր գործընկերն է «Աջակցություն ՓՄՁ զարգացմանը Հայաստանում» ծրագիրը, որը համաֆինանսավորվում է Եվրոպական միության եւ Գերմանիայի դաշնային հանրապետության տնտեսական համագործակցության եւ զարգացման նախարարության կողմից: Այն իրականացվում է ԳՄՀԸ «Մասնավոր հատվածի զարգացումը Հարավային Կովկասում» ծրագրի շրջանակում: «Աջակցություն ՓՄՁ զարգացմանը Հայաստանում» ծրագիրը հանդիսանում է Եվրոպական միության «ԵՄ-ն՝ Բիզնեսի համար» եւ «ԵՄ-ն՝ Նորարարության համար» նախաձեռնությունների մաս:
